La locomotiva FS E.464 a l'è ona locomotiva elettrica desviluppada per i treni navetta a cort e medi ragg. Originariament faa de la ABB Tecnomasio, incoeu a hinn faa de la Bombardier Transportation Italy.
Sostituissen i E.646 e i E.424 e, in sul servizzi regional, i E.656 e i E.632.
Storia In di agn 80 i Ferrovij del Stat Italian s'hinn trovaa cont di locomotiv assee vegg, squasi tucc derivaa di finanziament del Pian Marshall. La pussee recenta locomotiva FS E.646 a l'era stressada per tucc i compit che l'era assegnada, e quand che l'è staa deciduu de fàlla anca per i servizzi locai a l'è staa necessari on noeuv locomotor.
Originariament l'idea l'era de spartì la locomotiva passegee de quella mercanzia, ma l'è staa scernuu poeu on dissegn pussee semplizz cont i inverter.
In del 1994 cont gara internazional la ABB a l'è incaregada di 'sti noeuv locomotiv, fondaa in sul coev progett de la Locomotiva FS E.412, doperada in sul Brenner.
L'ultima produzion a l'è del 2015, e l'è probabil che la sia produtta pu.
Tecnologia
L'innovazion la pussee importanta a l'è on noeuv sistema per taccà e staccà a la svelta i locomotiv per fà di treni composit, che prima gh'even besogn de on adattator.
L'elettronica a l'è stada semplificada, e la gh'ha quater motor asincron, alimentaa de on convertitor a du inverter, sistema pussee semlizz e anca pussee sicur, che 'l permett de rivà a la prima stazion in cas de on guast anca cont on treno pesant o ona forta pendenza.
Incident El 20 de settember del 2009 la E.464.029, in coo de 'n convoeuj, l'è borlada giò de la stazion de Milan Centrala e l'ha buttaa giò on mur per finì in del cortil de 'na cà. A gh'è staa nissun ferii e l'unità a l'è stada demolida a november.
Ona E.464 de la Trenord a l'è stada coinvolta in del deraliament de Pioltell ma l'è restada intatta.
Vos correlaa Vivalto
Riferiment Treno deraglia e precipita in un cortile. Ritardi. Dalle 16 riapre un binario
Alter progett
464