La Stazion de Salerno a l'è 'na stazion servida di treni statai, regionai e a volta velocità e anca del servizzi ferroviari metropolitan de Salerno.
Struttur e impiant La stazion la gh'ha on fabricaa viaggiator in su pussee pian, al primm a gh'è i servizzi per i utent 'me la biliettaria de Trenitalia e de Italo, i sal d'attesa, sia generich sia di aziend, bar e restorant e al pian sora a gh'è i offizzi de Trenitalia.
La stazion a l'è parzialment de testa e parzialment passant: Gh'è trii binari tronch in direzion Napoli, vun per Battipaglia (el 6 tronch) e vòtt binari passant, numeraa da 1 a 7, cont l'ultim partii in du cont el circuit de binari per permètt ai treni de la Circumsalernitana e a quej de la metropolitana de conviv.
Gh'è 4 banchin per el servizzi in sui binari passant e per i tronch bisògna attraversà el binari 1 o passà per l'entrada apposta. La stazion a l'è ona rimessa dònca a gh'è di àlter binari tronch de ripos.
In tra el 1925 e 'l 2006 a gh'era on raccord cont el Port de Salerno, tolt via dòpo che ona locomotiva foeura controll l'ha mazzaa ona dònna. A l'è semper staa retegnuu assee pericolos perchè el passava direttament in sul lungomar e l'éra staa donca semper pussee limitaa ai orari men pericolos.
Moviment
La stazion a l'è servida di relazion a longa distanza a volta velocità Frecciarossa e Italo-Nuovo Trasporto Viaggiatori e di treni a longa percorrenza InterCity de la Trenitalia.
A l'è anca servii di treni regionai faa in contratt cont la Region Campania inclus quej de la Circumsalernitana e de la inscì ciamada metropolitana de Salerno.
Servizzi La stazion a l'è classificada "Gold" e gestida de Centostazioni e la gh'ha: Bar Biliettaria a sportell Biliettaria automatega Post de Polizia ferroviaria Restorant Toalett Sala d'attesa Servizzi informazion
Interscambi Fermada del bus, urban e extraurban Stazion di Taxi
In del piazzal de la stazion a gh'è i servizzi de Busitalia Campania e i servizzi bus a longa percorrenza FrecciaLink e Italobus.
Riferiment Stazione di Salerno - Le Strade Ferrate
Alter progett
Salerno
Salerno Salerno Salerno