La Gesa de San Cels (italian: Chiesa di San Celso) a l'è ona gesa catolega de Milan. La se troeuva in del center de la citaa, in Borgh de San Cels (incoeu Corso Italia). Storia L'è vuna di ges pussee vegg de Milan: la soa origin a l'è del secol IV, perchè l'era stada fada per contegnì i oss de San Cels, vun di tanti marter milanes. A bon cunt, la struttura che vedom a l'è del secol IX, e l'è stada fada in stil romanegh. Cont el passà di agn, l'ha mudaa la forma e i dimension tanti voeult: per esempi, in del secol XVIII a gh'è staa traa giò la zona denanz (ghe resta domà 'na quai colonna), intant che i restavor del secol XIX g'hann restituii ona faciada romanega che l'era stada cambiada. Al dì d'incoeu l'è ona gesa ligada a quella di Spos, lì arent.
Bibliografia Maria Teresa Fiorio (a cura di), Le chiese di Milano, Milano, Mondadori Electa, ed. riveduta 2006 (1ª ed. 1985).
Varda anca Gesa di Spos Cels
Cels