El Giulio Achille De Capitani (Olginaa, 27 de fevree 1946) a l'è 'n politegh italian, president del Consili Regional de la Lombardia del 2008 al 2010.
Biografia El s'è laureaa in architettura al Poltecnegh de Milan in architettura e l'ha taccaa a fà el liber professionista in del 1971.
Del 1993 al 1997 a l'è staa capogrupp de la Liga al Consili Comunal de Olginaa. El 23 de april 1995 a l'è candidaa de la Liga e dei Liberai a la Provincia de Lecch e 'l ciappa el 23,8% di consens. Del 1997 al 2005 a l'è assessor ai lavor publegh del comun de Lecch, menter l'è capogrupp de la Liga. Del 1998 al 2000 a l'è secretari de la Liga per la Provincia.
El 4 de april 2005 a l'è elegiuu per la prima voeulta al Consili Regional. In l'april 2008 el sostituiss el dimissionari Ettore Adalberto Albertoni. In del 2010 a l'è rielegiuu e l'è nomenaa assessor a l'agricoltura in la darrera gionta Formigoni.
In del 2019 a l'è condanaa in primm grad per el cas de Rimborsopoli.
Riferiment Curriculum in sul sitt del Comun de Lecch "Rimborsopoli": De Capitani condannato, il legale annuncia battaglia
Categoria:Politegh italian Categoria:President del Consili Regional de la Lombardia Categoria:Nassud in del 1946