In meteorologia, quand ch’ a se diss vertebratus (ve), (de l'istèssa paròlla in latin, che la voeur dì "vertebràa"), a se voeur designà vuna infra i varietà (caratteristica accessòria) possibil per i tipi de nivol ch’hinn desponnùu ‘me di còst de na colòna vertebràl oppur compagn de la rèsca del péss. Compagn che in del caso de l'intortus, la varietàa vertebratus la se troeuva domà in del gener Cirro.
A l’è ona forma minga tròppa comuna di nivol cirro e la se forma quand che l’aria la se moeuv de parallel cont la direzion che vann innanz i front principàl di nivol. I spazzi infra i nivol se formen in di zòn indoe l’aria la va giò, inveci i còst se foeurmen in di zòn indoe l’aria la va su. La comparsa de sti nivol chì a l’è conligada con la presenza de ona corrent a gètt o l’è generada de on'onda de gravità.
Ligamm de foeura https://cloudatlas.wmo.int/en/clouds-varieties-vertebratus.html Riferiment
Categoria:Meteorologia