miniatura|De denter
La gesa de Sant Spirit a l'è una gesa de Milan, in tra el quarter de Lambraa e la Cità di Studi.
Storia La gesa, pensada per i besogn spirituai del vesin Politecnegh, la vegn tirada su del 1962 al 1964 in su proget del Vitori Gandolfi.
A l'è vuna di 22 gese costruide per celebrà el Concili Vatican II.
Carateristeghe A l'è una gesa a pianta retangolara, de 36 meter de longhezza e 25 de larghezza.
De foeura a l'è poch particolara, e l'è fada su de una bassa bas retangolara in indova che la ponda la strutura che la sostegn el tecc, anca questa chì de altezza riducida.
De denter, al contrari, a l'è caraterizad fess di trav in calcestruzz armad, che formen una strutura a cros che la se derva in d'un tiburi central con quatadura trasparent. El nass inscì un grand contrast in tra la penombria de l'ambient e l'altar, inluminad per ben.
A la gesa a inn conligad di ambient: in su la banda de manzina el batister, in su la banda de drizza la cà parochiala e i locai de l'oratori; de sota a gh'inn olter stanze.
Bibliografia
Cecilia de Carli (a cura di), Le nuove chiese della diocesi di Milano 1945-1993, Edizioni Vita e Pensiero, Milano 1994, p. 169. ISBN 88-343-3666-6.
Ligam de foeura
, in su santospirito.org. , su lombardiabeniculturali.it.
Alter proget
Spirit
Spirit