thumb|El Luca Bernardo (2021) El Luca Bernardo (3 de agost 1967) a l'è un pediatra, sgiornalista e politegh italian.
Biografia Fradell pussee piscininn del Maurizio Bernardo, assessor e deputad, el s'è lauread in Medesina e Cerusia in del 1994 con lod, dopo di studi classegh, e 'l s'è specializad in pediatria in del 1998, semper a l'Università di Studi de Milan. Con la soa tesi el vincc in del 1999 el premi de la Società de Pediatria.
Dopo de 'n annet a studià in di Stat Unid, el taca a lavorà per la sanità publega lombarda, prima al San Paol e del 2005 a Ospedal di Frati.
Del 2001 l'è anca professor a contrat a la Statal, roeul che 'l gh'ha anca al dì d'incoeu.
Del 2009 a l'è diretor del departiment de pediatria di Frati e l'è iscrivud a l'Orden di Sgiornalista.
Carrera politega Al principi de luj del 2021 a l'è retegnud di media el candidad sindegh de Milan pussee vesin a la Liga e al Matteo Salvini e 'l va a firmà per i referendum de la reforma de la giustizzia, menad inanz de la Liga e di Radicai. El 6 de luj el vertis del center-destra el conferma la soa candidatura in di elezzion che vegnen, che 'l perd al prim turn contra del sindegh sortent del center-sinistra Beppe Sala. Ghe va dent comunque in del consili comunal.
L'era stad sgiamò candidad in del 2006 in la lista civega de la Letizia Moratti, indova che l'ha ciapad 200 vot e l'è stad minga elegiud. Del 2026 el molla Forza Italia per andà dent a Futur Nazzional e 'l nonzia de volé recandidàss a sindegh.
Onoreficenze Cavaller de l'Orden al Merit de la Republega Italiana
Riferiment Sit del Fatebenefratelli Luca Bernardo, il primario che sfida Sala Milano, Luca Bernardo lascia Forza Italia per Futuro Nazionale. Alla città manca ancora un’agenda Milano verso le Comunali, Luca Bernardo si ricandida a sindaco: «Ora sono pronto per vincere»
Categoria:Medegh italian Categoria:Politegh italian Categoria:Nassud in del 1967