El Virus B (Macacine alphaherpesvirus 1; McHV-1; prima Macacine herpesvirus 1, Cercopithecine herpesvirus 1 CHV-1), Herpesvirus simiae, o Herpesvirus B) l'è el Simplexvirus che 'l infeta i macach. El virus B l' è propi vesin a l'HSV-1, l'herpes di omen, e 'me lu, l'è un virus neurotròp che 'l se troeuva minga in del sangu.
In l'ospit natural, el virus el se comporta tant 'me l'herpes di omen. Inveci, quand i umàn inn infetad zoonoticament del virus B, che po vegnì un'encefalita propi grama, che la mena a di desfunzion neurologeghe permanent o a la mort. La gravità de la malatia la vegn su per i pazzient minga tratad, con un tass de fatalità de circa el 80%. La diagnosi fada in temp e i cure inn fondamentai per fà inscì che se soraviv.
El virus B l'è l'unegh virus de l'herpes descovert in di simie del vegg mond che l'è propi gram in di omen. A gh'è stada 'na serie de infezzion acidentai e de mort in tra i ricercator che lavoren cont i simie rhesus (Macaca rhesus). Ghe voeul i protezzion individuai per lavorà con 'sti simie, soratut se gh'hann el virus. L'infezzion la se po spantegà a travers de mors, grafi e contat cont i membrane mucose, anca i oeugg.
L'infezzion de virus B l'è propi rara, ma la po menà a di gram dagn al cervell o a la mort se l'è minga tratada. La sgent a l'è tipicament infetada de virus B se se l'è morduda o grafiada de 'na simia infeta, o se la toca i so oeugg, nas o boca. A gh'è domà un cas ducumentad de 'na persona infeta che 'l passa el virus a 'n altra persona. Al 2020 a gh'è stad 50 cas ducumentad de infezzion del virus B uman de quand che l'è stad identifegad in del 1932, 21 hann menad a la mort. Almen 20 di malad gh'hann havud l'encefalita.
Riferiment
Ligam de foeura Pagina Virus CDC/NCID B B Laboratorio de Risors Virus
Categoria:Virus