La Passion in bergamasch del secol XIV a l'è un test scrivud in volgar lombard vers la fin del secol XIV, tirad a man del Bernardino Biondelli in del so sagg in sui dialet gall-italegh. Ghe l'ha dada el scior Borsetti in su di palper logor, a dìgh che forsi la se cantava in Gesa.
La tratava la passion del Signor a partì de l'Ultima cena, con poeu el so arest, el process denanz al Ponzi Pilat, la soa mort e infin la soa resurrezzion.
Gh'è trii version: vuna a Milan a la Biblioteca Ambrosiana, 'n oltra a la Biblioteca Civega de Berghem e 'n oltra ancamò a Fiorenza.
I prim vers fann: Chi vol odi del nost Signior Cum el morì cum quant dolor, Che ve diro del comenzament Cum li Zude fi ol tradiment. Nostri Signor volei tradì Ma no ga sai trova chi. Quant cum li disipoi Christ cenava Xi fortement lu suspitava: Dis un de vo me tradirà, Puz a la cena questo sarà Tugg i discipoi a Christ guardava, E sant Zovan Christ domandava A modo de un ladro ai lo mena, Denanz ad Ana lo acusa.
Bibliografia Saggio sui dialetti gallo-italici, B. Biondelli
Categoria:Literadura lombarda