La Pala Sforzesca a l'è una pitura a tempera e oeuli datada 1494-1495 e fada de un maester anonem: incoeu l'è in mostra a la Pinacoteca de Brera.
In la Pala se ved el Lodovigh el Mor con tuta la soa familia, roba che 'l serviva a fàll pussee legitim dopo la mort del Gioann Galeazz Sforza, del che l'era regent. In principi a l'era in mostra in del Gesioeul de Sant Ambrosin e la riva a Brera dopo i sopression del Napoleon.
Insema ai Sforza a gh'è la Madona in trono cont el Bambin e arent i quater gran dotor de la Gesa che parlen: l'Ironem, l'Ambroeus, el Gustin e 'l Grigoeu Magn, e tucc inn in genoeugg a onorài. Du angei ghe porten al Lodovigh la Corona.
Bibliografia AA. VV., Brera, guida alla pinacoteca, Electa, Milano 2004 ISBN 978-88-370-2835-0
Alter proget
Categoria:Oeuvere de la pinacoteca de Brera