Palazz del Governa, ciamad anca Palazz Muzio del nom del so architet, a l'è un palazz di prim agn '30 de Sondri fad su 'me sed per i ofizzi de la Provincia e de alter istituzzion colturai del Giovanni Muzio.
Storia La soa costruzzion l'è fada necessaria de un diluvi che l'ha colpid la cità e l'ha fad un frach de dagn al palazz di ofizzi provinciai, al temp oeuvera de l'ingegner provincial Giovan Batista Bosata: a l'è sernid prest de fà su una noeuva sed minga domà per la provincia ma anca per la questura e la prefetura. Del 1930 a l'è fad el concors nazzional in sul noeuv proget, che l'è vensgiud del Muzio, che 'l s'era ispirad a la tradizzion de la costruzzion de la Valtonina, tant de andà in sgir a vardà i mester de l'area prima de presentàll.
Architetura La pianta de l'edifizzi a l'è trapezzoidal e in su trii pian, gh'è do faciade: vuna che la dà in su via Vittorio Veneto e l'altra in su via XXV Avril. Gh'è do torr, vuna ciamada de la Provincia e l'oltra de la Prefetura, e in sui torr se troeuva i ingress.
L'aula del consili, absidada e frescada, l'è oeuvera del Gianfilippo Usellini, collaborator del Muzio di temp de la Triennal de Milan. Dent se troeuven ses enocast che representen di atività tradizzionai de la Valtoltina, menter in di ofizzi del president de la Provincia, del Prefet e del Questor gh'è di stue tradizzionai de la region.
Riferiment
Alter proget
Governa