El Musee del Software e di Computer (in ucrain Музей програмного забезпечення та комп'ютерів) a l'è un musee de l'informatega de l'Ucraina con du sed: vuna a Kyiv e l'oltra a Charkiv.
A l'è stad fad su del Sergey Tsymbal e de l'Anton Trubnikov, imprenditor informategh che haveven visitad el Computer History Museum in d'un tour de la Silicon Valley e hann volsud un musee compagn de quell in del so Paes. La sezzion de Kharkiv l'è verta el 29 de avost 2017, menter quella de Kyiv el 21 de dicember. El musee l'è stad serrad su temporaneament per via de l'invasion russa de l'Ucraina, ma el tira inanz i so atività educative a distanza.
In la collezzion, otegnida del crompà de toch e anca de donazzion, gh'è l'Apple II Plus, l'Osborne 1, el Commodore 64, el ZX Spectrum, una collezzion de tucc i iPhone, el Famicom, el Vectrex, la fotocamera Apple QuickTake 100 e di aritmometer de l'URSS.
Riferiment Ukraine's Software & Computer Museum
Ligam de foeura Sit ofizzial
software