El Ded Moroz (in cirillegh Дед Моро́з, che 'l voeul dì Nono del Giazz) a l'è la figura tradizzional de la coltura russa che la porta i regai a Nedal: al temp de l'Union sovietega la s'è spantegada anca in alter paes sota la soa influenza coltural.
In origin a l'era una representazzion de l'inverna fad om, che dopo vessés miss con la Vesna, representazzion de la primavera, el gh'ha havud 'me fioeula la Sneguročka: cont el temp l'ultima l'è deventada la soa nevodina e la porta anca lee di regai, però el prim de l'ann.
Al principi de la rivoluzzion comunista voleven toeull via, a consideràll trop cristian e ligad al vegg sistema, ma l'è stad poeu braciad su di autorità che voleven sostituì el Nedal per meter i cadò el prim de l'ann: gh'hann anca cambiad el color de la vesta, del gris del giazz al ross de la bandera de l'Union sovietega.
Riferiment Ded Moroz (Nonno Gelo) - Babbo Natale del folklore slavo
Alter proget
Vos corelade Moș Gerilă
Categoria:Tradizzion de Nedal Categoria:Mitologia slava