La guerra di des dì (in sloven: Desetdnevna vojna, in serb: Desetodnevni rat) a l'è stad un curt conflit armad che l'è vegnud foeura in tra la Slovenia e la Republega Socialista Federal de Jugoslavia quand che la prima l'ha deciarad l'independenza de la segonda e che l'ha lassad 62 mort, per la pupart jugoslav, e circa 330 ferid.
L'è durada propi poch, in di facc l'è scominciada el 27 de sgiugn del 1991 e l'è finida el 7 de luj con la firma di acord de Brioni, sostegnud de la Comunità Economega Europea: Slovenia e Croazzia se impegnaven a sospender la soa deciarazzion de independenza de la Jugoslavia per alter trii mes, e la Jugoslavia l'ha tirad via i so soldad de la Slovenia. Quand che poeu l'è finida la sospension la Slovenia, anca per via del facc che l'era etnegament ben uniforma e ghe viveven no serb e croat, la s'è destacada in pas, menter in Croazzia l'è s'ciopada una guerra de independenza che l'è andada inanz fina al 1995.
Riferiment I dieci giorni della Slovenia
Alter proget
Categoria:Guerre del XX secol