La cinetiga chimiga a l'è un broch de la chimiga fisiga che 'l stüdia la velucità di reaziun chimich e cumè che la dipend de: la natüra del reativ e del sò stat fisich; la cuncentraziun di reativ; la temperadüra; se'l gh'è un catalizadur. Esempi
In natüra a gh'è di reaziun cunt un ΔG<0, (che a hinn permetüü per la termudinamiga) ma che al pòst de rivà a la fin i van inscì adasi che a la fin de la fera süceden minga, se veden nanca. El mutiv a l'è che questi reaziun chì gh'hann una cinetiga che la va propi adasi. Dü esempi a hinn la carta che la brüsa a l'aria e la trasfurmaziun de la grafit in diamant. Reaziun che duarien süced senza prublema ma che inscambi süceden minga in cundiziun nurmaj. La carta e el diamant a hinn dunca ciamaa cumpost metastabil: cumpost minga stabil per la termudinamiga ma stabil per la cinetiga. Stüdi de la cinetiga Stüdià la velucità d'una reaziun al vör dì: misürà la custant cinetica e la sua dipendenza de la temperadüra e di catalizadur; misürà l'urdin de la reaziun rispet ai cuncentraziun di reativ; dà una spiegaziun teoriga di dat sperimental cunt el la pustülaziun: del mecanism de la reaziun; del stadi de transiziun.
L'impurtanza de la cinetiga chimiga La cinetiga chimiga a l'è impurtanta perchè a l'è a la bas di prucess chimigh de l'indüstria per la progetaziun di impiant e per la sigüreza di prucess indüstriaj.
Categoria:Chimica