Мајкл Кенет Ман (англиски: Michael Kenneth Mann; роден на 5 февруари 1943 година) ― американски режисер, сценарист и продуцент, познат по неговиот специфичен стил на криминалистичка драма. Негови најпознати дела се филмовите „Крадец “ (1981), „Ловец на луѓе“ (анг: Manhunter) (1986), „Последниот мохиканец“ (1992), „ Врелина“ (1995 година), „Инсајдер“ (1999), „Колатерал “ (2004) и „Државни непријатели “ (2009). Како извршен продуцент е познат по популарната ТВ серија Пороците на Мајами (1984–89), која ја адаптирал во игран филм од 2006 година.
За неговите дела, бил номиниран од меѓународни организации и жирија, меѓу кои и Британската академија за филмска и телевизиска уметност, Канскиот филмски фестивал и Академијата за филмски уметности и науки. Како продуцент, Ман двапати бил номиниран за Оскар за најдобар филм, прво за „Инсајдер“, а потоа и за „Авијатичар“ (2004), кој прво требало да го режира Ман за потоа проектот да му биде доделен на Мартин Скорсезе. Total Film во 2007 година го ставил Ман на 28-мо место на нивната листа од 100 најдобри режисери во историјата, а Sight and Sound го рангирал на 5-то место на нивната листа од 10 најдобри режисери во последните 25 години (за годините 1977-2002 ).
Биографија Мајкл Ман е роден на 5 февруари 1943 година во Чикаго во семејство на украински Евреин, учесник во Втората светска војна. По дипломирањето на Универзитетот во Висконсин,Wildermuth, p. 2 заминал во Лондон за да студира филмска уметност. Таму се запознал со други современици како Ридли Скот, Алан Паркер и Адријан Лејн, со кои работел заедно на реклами и кратки документарни филмови.
Филмски стил и тематика Негов заштитен знак се филмови со силно осветлени ноќни сцени и необична музика, како на пример Tangerine Dream во „Крадец“ и музиката во Ловец на луѓе. Во многу филмови (Последниот мохиканец, Врелина, Ловец на луѓе, Инсајдер, пороците на Мајами) негов стил е да се прикаже главните ликови како гледаат во водени пространства додека донесуваат важни одлуки кои влијаат врз заплетот.
Филмовите на Ман при снимање на звуци од пукотници се истакнуваат со реализам, а тој претпочита да користи необработени аудио снимки од сцената, наместо звучен микс. Во многу негови филмови пред продукцијата на акционите сцени, глумците посетуваат курсеви за ракување со оружје и за прецизно да го доловат звукот на боева муниција во сцените пукаат со „ќорци“.
Филмографија +Режија година Наслов Дистрибутер 1981 Крадец United Artists 1983 The Keep Paramount Pictures 1986 Ловец на луѓе De Laurentiis Entertainment Group 1992 Последниот Мохиканец 20th Century Fox / Warner Bros. 1995 Врелина Warner Bros. 1999 Инсајдер Buena Vista Pictures 2001 Али Sony Pictures Releasing / Initial Entertainment Group 2004 Колатерал DreamWorks Pictures / Paramount Pictures 2006 Пороците на Мајами Universal studios 2009 Државни непријатели 2015 Црна шапка 2023 Ферари STX Entertainment
Награди и номинации година Наслов Оскар БАФТА Златен глобус Номинации Добитник Номинации Добитник Номинации Добитник 1992 година Последниот Мохиканец 1 1 7 2 1 1999 година Инсајдер 7 1 5 2001 година Али 2 2 1 3 2004 година Колатерал 2 5 1 1 Вкупно 12 1 15 4 10 0
Наводи
Надворешни врски
Michael Mann on Instagram Senses of Cinema: Great Directors Critical Database Literature on Michael Mann
Категорија:Американски режисери Категорија:Американски сценаристи Категорија:Американски филмски продуценти Категорија:Родени во 1943 година Категорија:Американски Евреи Категорија:Режисери на акциони филмови Категорија:Добитници на Еми награда за ударен термин Категорија:Живи луѓе Категорија:Американски ТВ продуценти Категорија:Добитници на БАФТА награди Категорија:Добитници на ЕМИ награди Категорија:Луѓе од Чикаго