Август Хајнрих Рудолф Гризебах (; - ) — германски ботаничар и фитогеограф. Познат е како прв научник кој ја опишал моликата на Пелистер. Открил и бројни домородни растенија на Шар Планина.
Животопис
Роден е во Хановер. Учел тамошниот лицеј. Потоа стапил во ќелијно училиште во Илфелд, па учел на Гетингенскиот универзитет. Во 1836 г. дипломирал медицина на Берлинскиот универзитет. Учествувал на експедиции во Прованса, Турција, на Балканот и во Норвешка. Во 1837 г. станал доцент, а во 1847 г. бил назначен за професор на Меидцинскиот факултет во Гетинген. Станал за директор на тамошната ботаничка градина in 1875 г.
Највеќе им се посветил на фитогеографијата и систематика, особено на линцурите (Gentianaceae) и малпигиите (Malpighiaceae), иако сметал дека неговото најважното дело е „Флора на британските западноиндиски острови“. Голем дел од неговите збирки, особено тиските видови кои ги опишал, се наоѓаат во хербариумот на Гетингенскиот универзитет.Göttingen University, Department of Systematics, Biodiversity and Evolution of Plants (with Herbarium) Неговата таксономска класификација е опишана во делото „Преглед на систематската ботаника“ (Grundriss der systematischen Botanik, 1854). Син му Едуард бил писател, правник и дипломат.
Работа во Македонија Од 29 јуни и 21 јули 1839 г. Гризебах работел во Македонија, престојувајќи на Пелистер и Шар Планина. Неговите наоди ги изложил во делото Specilegium florae Rumelicae et Bythynicae. Тој е заслужен за откривањето на моликата (Pinus peuce) во научната јавност.
На Шара открил и опишал бројни видови како Alkanna scardica, Cirsium apendiculatum, Dianthus cruentus, Lilium albanicum, Pedicularis leucodon, Potentilla holosericea, Saxifraga scardica, Sideritis scardica, Silene waldsteinii и други.
Избрани дела
(Grundr. Syst. Bot.: Schema стр. 68) Die Vegetation der Erde nach Ihrer Klimatischen Anordnung (The Earth's vegetation after its climatic arrangement), 1872 (1 изд.), 1884 (2. изд). Flora of the British West Indian Islands, Lovell Reeve & Co., London, 1864
Наводи
Надворешни врски
Целосна библиографија на WorldCat Catalogus plantarum cubensium (Кагалот на растенијата на Куба) 1866 на Botanicus Grisebach, A. (1857) Systematische Untersuchungen über die Vegetation der Karaiben, insbesondere der Insel Guadeloupe — Библиотека на биоразновидносното наследство
Категорија:Германски ботаничари Категорија:Фитогеографи Категорија:Таксономи Категорија:Луѓе од Хановер Категорија:Флора на Македонија Категорија:Апсолвенти на Гетингенскиот универзитет Категорија:Членови на Гетингенската академија на науките Категорија:Членови на Баварската академија на науките Категорија:Членови на Пруската академија на науките