Ендрју Џон Хозиер-Бирн (англ. Andrew John Hozier-Byrne; роден на 17 март 1990), професионално познат како Хозиер (англ. Hozier), ― ирски музичар, пејач и текстописец.

Стекнал популарност со неговиот прв сингл „Take Me to Church“ (2013), кој станал рок-радиски хит во САД, се искачил на второ место на Billboard Hot 100, бил номиниран за „Греми“ награда и бил сертифициран како мултиплатинест во неколку земји. Хозиер издал три студиски албуми: Hozier (2014), Wasteland, Baby! (2019) и Unreal Unearth (2023). Во 2024 година го издал EP-то Unheard.

Живот и кариера Ендрју Џон Хозиер-Бирн е роден на 17 март 1990 година во Бреј, грофовијата Виклоу, Ирска. Почнал да пишува песни на 15-годишна возраст, а научил да свири гитара и пеел во неговиот училишен хор. Се запишал на музичката академија при Тринити колеџот во Даблин, но ги пропуштил испитите за да снима демо за Universal Music и од колеџот добил едногодишно одложување за започнување на студиите.

2008–2012: Почетоци Додека бил во Тринити, Хозиер свирел во „Тринити орекестарот“. Тој бил член и на хорскиот ансамбл „Ануна“ од 2009 до 2012 година и соло испеал една песна за нивното издание од 2014 година „Illuminations“. Во 2012 година, Хозиер бил пратечки вокал на Били Оушн.

2013–2017: Пробив мини| Хозиер на настап во 2014 година На 3 јули 2013 година, Хозиер го објавил неговото прво ЕР, Take Me to Church. ЕР-то успеало да се пласира на Билборд 200. Насловниот сингл бил објавен во септември 2013 година. Спотот за песната, кое се однесува на хомофобијата, било објавено истиот месец и целосно бил снимен во црно-бело. Видеото го споделил англискиот глумец Стивен Фрај, и со тоа му помогнало да стигне до насловната страница на Редит, а потоа станало вирално видео. Mullally, Una (12 October 2013). "Hozier's soaring voice and searing heart: From quiet beginnings, the 'Take Me to Church' singer's music, and its political nous, are growing in depth and stature". Irish Times. Archived from the original on 28 September 2023. Retrieved 28 September 2023. Песната се искачила во топ-5 на топ-листите во многу земји и заработила мултиплатинести сертификати; песната исто така била пофалена од критиката за нејзината лиричност и пораката што ја пренесува. Во март 2014 година, Хозиер го издал неговото второ EP, From Eden.

Хозиер го издал албумот Hozier на 19 септември 2014 година, на кој имало и песни од неговите две EP-а. Албумот се искачил на прво место во Ирска и стигнал до второ место на американскиот Билборд 200 . Албумот бил двојно платинест во Велика Британија и САД. По објавувањето на „Take Me to Church“, од албумот од 2014 до 2016 година биле објавени пет сингла: „From Eden“, „Sedated“, „Work Song“, „Someone New“, „Jackie and Wilson“ и „Cherry Wine"; сите тие се појавиле на ирската табела за синглови. На спотовите за "From Eden", "Someone New" и "Cherry Wine" учествувале глумиците: Кејти Мекграт, Натали Дормер и Сирша Ронан, соодветно.

Во февруари 2015 година, „Take Me to Church“ била номинирана за Греми награда за „Песна на годината“. На 12 ноември 2015 година, Хозиер ја освоила наградата „Музичар на годината“ од VH1. Во јуни 2016 година, Хозиер ја објавил песната „Better Love“ како дел од саундтракот за филмот Легендата за Тарзан. Потоа, Хозиер направил едногодишна пауза од музиката.

2018–Денес: Подоцнежна кариера лево|мини| Хозиер настапува во Кралската концертна сала во Глазгов во 2019 година Во септември 2018 година, Хозиер го објавил ЕР-то Nina Cried Power. Вториот албум на Хозиер, Wasteland, Baby!, бил објавен на 1 март 2019 година и содржал песни од неговото претходно EP. Албумот дебитирал на врвот на ирската топ-листа за албуми и на Билборд 200. Wasteland, Baby! бил сертифициран со сребро во Обединетото Кралство и злато во САД.

Од Wasteland, Baby! во 2019 година биле објавени уште два сингла: „Almost (Sweet Music)" и „Dinner and Diatribes"; во спотот за песната „Dinner and Diatribes" се појавила глумицата Ања Тејлор-Џој. Во 2019 година Хозиер настапил на неколку музички фестивали: Railbird, Електричен пикник, Гластонбери и на Lollapalooza во Чикаго.

На 29 октомври 2021 година, Хозиер го издал синглот „Tell It to My Heart“ во соработка со Медуза, кој дебитирал на 13-то место на ирската топ-листа за синглови.

Тој го објавил ЕР-то Eat Your Young на 17 март 2023 година. Тоа содржело три песни: „Eat Your Young“, „All Things End“ и „Through Me (The Flood)“.

Unreal Unearth бил објавен на 18 август 2023 година. На 22 март 2024 година, Хозиер го издал ЕР-то Unheard, кое содржело четири песни: „Too Sweet", „Wildflower and Barley" со Алисон Расел, „Empire Now" и „Fare Well". Песните требало да бидат вклучени на албумот Unreal Unearth, а биле инспирирани од Пеколот од Данте.

Дискографија

Hozier (2014) Wasteland, Baby! (2019) Unreal Unearth (2023)

Наводи

Надворешни врски

Категорија:Живи луѓе Категорија:Родени во 1990 година Категорија:Соул-пејачи Категорија:Ирски рок-пејачи Категорија:Ирски кантавтори Категорија:Ирски блуз-пејачи Категорија:Блуз пејачи Категорија:Ирски пејачи