Ди Антвурт (африканс: Die Antwoord; IPA: [di ˈantvuərt]) ― јужноафриканска алтернативна хип-хоп-група основана во Кејптаун во 2008 година.
Групата се состои од раперите Ваткин Тудор „Нинџа“ Јонс и Анри „Јоланди Висер“ ду Тоит и продуцентите HITEK5000 и Lil2Hood. Нивниот музички стил е заснован на јужноафриканската контракултура позната како зеф.
Од 2019 година, групата била вклучена во неколку контроверзии поврзани со обвинувања за злоупотреба на деца, сексуален напад и злосторства од омраза. Историја лево|мини|272x272пкс| Die Antwoord на настап во 2010 година Die Antwoord била основана во 2008 година. Нивното име во превод од африканс значи „Одговорот“. Во 2009 година, го објавиле нивниот прв албум, $O$, кој можел бесплатно да се симне од нивната официјална веб-страница.
Во 2009 година, јужноафриканскиот кинематографер Роб Малпејџ (заедно со корежисерот Нинџа) го снимил видеото за нивниот сингл „Enter the Ninja“. Видеото добило милиони прегледи на интернет девет месеци подоцна. По успехот на видеото, Die Antwoord потпишале договор за албум со Interscope Records. На крајот од 2010 година, Die Antwoord ја освоиле наградата од MySpace за „Најдобро музичко видео за 2010 година“ за нивното прво видео „Enter The Ninja“. десно|мини| Die Antwoord на настап во 2012 година Во ноември 2011 година, Die Antwoord ја напуштиле Interscope Records поради несогласувањата во врска со нивниот следен албум и неговиот водечки сингл, „Fok Julle Naaiers“. Тие основале своја независна издавачка куќа, Zef Recordz, и преку неа го објавиле вториот студиски албум, Ten$ion.Jardin, Xeni (7 November 2012). Die Antwoord leave Interscope, will release "TEN$ION" on their own new indie label. Boing Boing
Издавањето на албумот било во соработка со Good Smile Company и Downtown Records, кои биле задолжени за маркетинг и дистрибуција на плочата.Coetzer, Diane (30 January 2012). Die Antwoord: The Rolling Stone Interview. Rolling Stone Ten$ion имал уште три синглови по „Fok Julle Naaiers“: „I Fink U Freeky“, „Baby's on Fire“ и „Fatty Boom Boom“. Албумот наишол на мешани критики.
На 3 јуни 2014 година, Die Antwoord го објавиле нивниот трет албум, Donker Mag.
Во февруари 2015 година, Die Antwoord објавиле дека започнале да работат на нов материјал со диџејот Магс од Cypress Hill. На 19 мај 2016 година дуото на SoundCloud објавило микс под наслов Suck on This.
На 16 септември 2016 година го издале албумот Mount Ninji and da Nice Time Kid.
На почетокот од 2017 година, преку социјалните мрежи Die Antwoord објавиле дека во септември 2017 година ќе го објават нивниот последен албум, насловен The Book of Zef и дека ќе групата ќе престане да постои веднаш потоа. Групата подоцна објавила дека името на албумот е сменето во „27“. Првиот сингл, „Love Drug“, бил објавен на 5 мај 2017 година, а вториот сингл „"2•GOLDEN DAWN•7“ бил објавен на 22 јуни 2018 година.
House of Zef бил издаден на 16 март 2020 година, без претходна најава од групата.
Дискографија
Студиски албуми
$O$ (2009) Ten$ion (2012) Donker Mag (2014) Mount Ninji and da Nice Time Kid (2016) House of Zef (2020)
Членови
Нинџа (2008-денес) Јоланди Висер (2008-денес) HITEK5000 (порано познат како DJ Hi-Tek and God) (2008–денес) Lil2Hood (2019–денес)
Наводи
Надворешни врски
Die Antwoord at Watkykjy
Analysis of the $O$ album from South African magazine Mahala Roger Ballen/Die Antwoord exhibition
Категорија:Музички групи основани во 2008 година Категорија:Јужноафрикански музички групи Категорија:Електронски музички групи Категорија:Хип-хоп групи