Ли Лике Тимотеј Закрисон (шведски: Li Lykke Timotej Zachrisson; родена на 18 март 1986), позната како Лике Ли (шведски: Lykke Li) ― шведска пејачка, текстописец, манекенка и глумица. Нејзините песни содржат елементи на инди-поп, дрим-поп и електронска музика. Нејзиниот прв студиски албум, Youth Novels, бил објавен во 2008 година, а по него следувале: Wounded Rhymes (2011), I Never Learn (2014), So Sad So Sexy (2018) и Eyeye (2022). Нејзина најпопуларна песна досега е „I Follow Rivers“.
Живот и кариера Ли Лике Тимотеј Закрисон била родена во градот Истад во покраината Сконе; нејзината мајка, Керсти, пред да стане фотограф била член на женската панк-група Tant Strul. Нејзиниот татко, Јохан (под сценското име Зилверзурфарн) е член на шведската панк-реге-група Dag Vag. Уште додека Ли била бебе, семејството Закрисон се преселило во Стокхолм, а кога таа имала шест години се преселиле на еден планински врв во Португалија каде што живееле пет години. Семејството исто така дел од времето го поминувало во Лисабон и во Мароко, а на зима во Непал и во Индија. На 19-годишна возраст, Ли три месеци живеела во Бруклин во Њујорк. Таа се вратила таму кога имала 21 година за да го сними нејзиниот албум.
Лике Ли го издала нејзиното прво EP, Little Bit, во 2007 година. Во октомври 2007 година музичкиот блог Stereogum ја прогласил за „музичар на кој треба да се внимава“, а нејзината музика ја опишал како мешавина од соул, електро и „зашеќерен поп“. Нејзиниот прв албум, Youth Novels, бил објавен во нордискиот регион на 30јануари 2008 година, во Европа бил издаден во јуни 2008 година и во САД на 19август 2008 година. лево|мини|243x243пкс| Лике Ли во 2009 година десно|мини|271x271пкс| Лике Ли на настап во Парадизо во Амстердам, декември 2008 година Нејзиниот втор албум Wounded Rhymes бил објавен во 2011 година. Албумот бил вклучен на неколку листи на најдобри албуми за 2011 година, вклучувајќи ги: Q, Mojo, The Observer, The New York Times, The Huffington Post и Rolling Stone.
Лике Ли официјално го објавила албумот I Never Learn на 2мај 2014 година. Повторно, нејзиниот албум бил вклучен на неколку листи од најдобри албуми за 2014 година, меѓу другите вклучувајќи ги: Billboard, Complex и Pitchfork. Германскиот електронски диџеј Робин Шулц ја ремиксирал песната „No Rest for the Wicked“ и ремиксот бил вклучен во првиот албум на Шулц „Prayer“
Лике Ли во 2014 година ја имала нејзината прва филмска улога, таа дебитирала во шведскиот криминалистички филм Томи, во режија на Тарик Салех, а за филмот ја снимила песната „Du är den end“. Лике Ли исто така била гостин-музичар на албумот Songs of Innocence од U2, каде што пеела на последната песна „The Troubles“.
Лике Ли го издала нејзиниот четврти студиски албум, So Sad So Sexy, на 8 јуни 2018 година преку издавачката куќа RCA. Заедно со најавата за албумот, Лике Ли ги објавила првите два сингла: „Deep End“ и „Hard Rain“.
Во јули 2019 година, Лике Ли го издала ЕР-то Still Sad Still Sexy, со четири ремикси од So Sad So Sexy и две нови песни.
На 23 март 2022 година, Лике Ли го издала „No Hotel“, водечки сингл од нејзиниот петти студиски албум, Eyeye. Албумот бил издаден на 20 мај 2022 година.
Во март 2024, во саундтракот за филмот Damsel Лике Ли ја испеала преработката на песната од Џони Кеш, A Ring of Fire.
Дискографија
Youth Novels (2008) Wounded Rhymes (2011) I Never Learn (2014) So Sad So Sexy (2018) Eyeye (2022)
Филмографија
Томи (2014) Песна до песна (2017)
Наводи
Надворешни врски
Категорија:Живи луѓе Категорија:Родени во 1986 година Категорија:Шведски пејачки Категорија:Шведски електронски музичарки Категорија:Шведски сопрани Категорија:Шведски инди-поп-музичари Категорија:Шведски поп-пејачи Категорија:Шведски филмски глумици Категорија:Шведски глумици Категорија:Шведски манекенки Категорија:Музичари од Стокхолм Категорија:Електропоп музичари Категорија:Денс-поп музичари Категорија:Арт-поп-музичари