мини|270x270пкс|Киликија Киликија (, ) — историска област сместена на југоисточното крајбрежје на Мала Азија. На север и запад се граничи со планините Таур, на исток со Антитаур, а на југ гледа кон Средоземното Море. Географски се состои од два многу различни региони: Западен — планински, и Источен — плодна рамнина. Оттука во древноста поминувал единствениот пат од Мала Азија до Сирија.

Главен град на областа бил Тарс (тур. Tarsus).

Во второто илјадалетие пр. н. е., Киликија била дел од Хетитското Царство. Од XII до VI век пр. н. е., во Киликија постоеле независни држави познати како Сирохетски Царства. Почнувајќи од VI век пр. н. е., Киликија станала дел од Персиското Царство на Ахеменидите. Во 333 г. пр. н. е., Александар Македонски ја освоил Киликија. За време на неговото време таму, тој за малку ќе се удавел во реката Киднос, каде подоцна се удавил царот Фридрих I Барбароса за време на Третата крстоносна војна. Од 297 г. пр. н. е. до 190 г. пр. н. е. областа била под власт на Селевкидското Царство.

Пред Римјаните да го преземат управувањето, Киликија била место каде дејствувале пирати. Во 103 г. пр. н. е., Марко Антониј Оратор им помогнал на Римјаните да заземат дел од Киликија. Подоцна, во 67 г. пр. н. е., Помпеј Велики ги поразил пиратите засекогаш. Тие ја уништиле познатата пиратска база наречена Коракесион. После тоа, Тарс станал главен град на римска провинција. Првиот проконзул на Киликија назначен од Рим бил Луциј Корнелиј Сула. Во 51 г. пр. н. е., Цицерон станал проконзул и ја држел должноста околу една година. Неговата задача била да се погрижи царот на блиската Кападокија, Ариобарзан III, да му остане верен на Рим. Успеал без потреба да води никакви битки.Everitt, A. „Cicero: The Life and Times of Rome's Greatest Politician“ (2001), pp. 186 – 88

Наводи

Надворешни врски

Ancient Cilicia - texts, photographs, maps, inscriptions Jona Lendering, "Ancient Cilicia" Cilicia Photographs and Plans of the Churches and Fortifications in the Armenian Kingdom of Cilicia Pilgrimages to Historic Armenia and Cilicia WorldStatesmen- Turkey Armenian Genocide Map's - Map of Kilikia (1909)

__СОСОДРЖИНА__ __ИНДЕКС__

Категорија:Мала Азија Категорија:Римски провинции Категорија:Древна Ерменија Категорија:Покраини на Византија