Матија Барл (17 февруари 1940 – 3 август 2018) бил словенечки актер, продуцент и преведувач. Во 1962 година го основал и го организирал првиот, најстариот и најважниот словенечки музички фестивал наречен Словенска Попевка.
Барл е роден во Љубљана. Кога имал 11 години, отишол на аудицијата за филмот Кекец каде бил избран меѓу повеќе од илјада деца. Ја добил улогата на главниот лик Кекец, силно и бестрашно дете суперхерој, по што е најпознат денес. Сите го идентификувале со оваа улога толку силно што сите деца во реалниот живот сакале да се борат со него. Затоа морал да оди на часови за боречки вештини како што се борење и џудо.
Подоцна ја посетувал Академијата за театар, радио, филм и телевизија во Љубљана каде студирал драматургија. Во 1962 година се преселил во Германија каде работел како независен продуцент, преведувач и повремен актер. Живеел во Марезиге, Словенија.
Дела Барл е најпознат по улогата на ликот Кекец. Напишал и текстови за песни на значајни словенечки музички уметници, работел како продуцент, настапувал во документарни филмови. Неговите дела се:
Кекец (1951) - актер Црно-бело како денови и ноќи (ТВ филм, 1978) - актер, водач на продукција Заборавено богатство (2006) - актер Мадам Помпадур (ТВ филм, 1974) - менаџер на единицата Приказната за г-дин П.Ф. (документарен филм, 2002) - композитор Бог не верува повеќе во нас (ТВ филм, 1982) - продуцент Заљубениот ѓавол (ТВ филм, 1971) - помошник режисер Летечкиот циркус на Монти Пајтон (ТВ филм, 1971) - менаџер на локација
Надворешни врски
Категорија:Апсолвенти на Љубљанскиот универзитет Категорија:Починати во 2018 година Категорија:Родени во 1940 година Категорија:Глумци од Словенија