Прилепски каранфил (науч. Dianthus prilepensis) — вид каранфил опишан од К. Мицевски. Dianthus prilepensis е вид каранфил од родот Carnation и семејството Caryophyllaceae.
Опис Ова е многугодишно растение со четириаглесто, зелено и мазно стебло високо до 45 см. Базалните листови се тесно линејни, речиси кончести, широки 0,5–1 мм, со три жилки, зелени, здиплени, по работ грубести и заострени. Стеблените листови се кончести, широки 0,5–1 мм, здиплени и значително покуси од интернодиумите; листните ракавци се долги 12–20 мм. Цветовите се во голем број и се групирани во компактни топчести соцветија, широки 20–25 мм. Обвивните лушпи се обратнојајцевидно-копјести, долги 5–6 мм, бели или рѓести, кожести, по работ со цилии, во горниот дел набрани и нагло преминуваат во осил долг колку самата лушпа. Четири чашкини лушпи, јајцевидни, долги 4 мм, бели или многу светло рѓести, кожести, на врвот малку набрани и нагло преминуваат во краток осил долг 1,2–2 мм. Чашката е долга 10 мм и широка 2,3–2,5 мм, темнопурпурна; запците се долги 1,5–1,75 мм и зашилени. Ламината на венечните ливчиња е долга 1,5–2 мм, пурпурна, речиси целокрајна и едвај излегува над чашкините запци.Кирил Мицевски: Флора на Република Македонија, Том I, св. 2, МАНУ Скопје, 1993, стр. 385
Се среќава на брдски пасишта врз гранитна подлога и варовник, на околу 800 метри надморска височина. Познат е само за околината на Прилеп (Маркови Кули, Трескавец, Плетвар и с. Загорани) и Кичево (с. Светораче).
Галерија
Наводи K. Micevski, 1990 In: Prilozi Oddel. Biol. Med. Nauki Makedonska Akad. Nauk. Umet., 8(1-2): 39 World Plants: Synonymic Checklists of the Vascular Plants of the World
Категорија:Каранфил Категорија:Флора на Македонија Категорија:Ендемска флора на Македонија