Dianthus pallens — вид каранфил опишан од Џон Сибторп и Џејмс Едвард Смит. Припаѓа на родот Carnation и семејството Caryophyllaceae.
Опис и распространетост Повеќегодишно растение, достигнува висина до 60 cm. Стеблото исправено, горе метличесто разгрането, со брашнест налеп. Листовите се тесни, врвно заострени, рабовите рапави, покуси од интернодиумите; ракавците се долги колку и широки. Има четири чашкини лушпи, обратно јајцевидни, кожести, со тесен мембранозен раб, горе нагло стеснети во краток зелен врв долг 1-1,5 мм; нивната должина е 1/4 - 1/3 од чашката. Чашката е цилиндрична, долга 20-25 мм и широка 4 мм; запците долги 5-6 мм, широки околу 1 мм, во врвот остри со тесен мембранозен раб. Венечните ливчиња зеленкави и назабени.
Се среќава на брдски пасишта, крај грмушки, патишта и меѓи, во низини и планини. Растението е прилично често. Забележано во Скопје — Рашче (Жеден) и Катланово; клисурата на Тополка; Демиркаписка Клисура — железничка станица Клисура; Овче Поле — железничка станица Овче Поле и Богословец; Штип — Кумлак; Криволачко; Гевгелија — Миравци; Дојран; Галичица над Велгошти.
Галерија
Наводи
Категорија:Каранфил Категорија:Флора на Македонија