Placebo (се чита:пласибо) ― британска алтернативна рок-група основана во Лондон во 1994. Групата ја основале пејачот и гитарист Брајан Молко и бас-гитаристот Стефан Олсдал, а кон крајот на 1994 година како тапанар им се приклучил Роберт Шулцберг. Молко бил роден во Белгија, а Олсдал и Шулцберг во Шведска; Молко и Олсдал, пред одделно да се преселат во Лондон и да станат британски државјани, живееле во Луксембург. Шулцберг поради несогласувања со Молко ја напуштил групата во 1996 година, кратко време по објавувањето на првиот албум од групата, а истата година бил заменет со Стив Хјуит.
Placebo стекнале популарност во Обединетото Кралство со синглот „Nancy Boy“ од 1997 година, песна озлогласена во тоа време по нејзината родова содржина. Групата се издвоила на бритпоп-сцената со нивниот андроген изглед и музичката содржина, како и со препознатливиот глас и стиховите на Молко во кои отворено изнесувал ставови за сексуалноста, душевното здравје и употребата на дрога.
Тапанарот Стив Хјуит ја напуштил групата на 1 октомври 2007 поради „лични и музички несогласувања“. Следната година бил заменет со Стив Форест. Со Форест во составот, Placebo објавиле два албума, а тој ја напуштил групата во 2015 година за да продолжи со соло-кариерата. Од 2015 година, Placebo официјално е дуо, иако понекогаш членуваат заменски музичари.
Placebo низ годините соработувале со многу музичари, вклучувајќи ги: Дејвид Боуви, Џастин Ворфилд, Мајкл Стајп и Алисон Мошарт. Издале осум студиски албуми и сите тие се пласирале меѓу најдобрите 20 на топ-листата за албуми во Обединетото Кралство. Продале околу 14 милиони музички записи.
Членови Сегашни членови Од 2008, бендот се состои од: Брајан Молко (1994-денес) – главен вокал, гитара, хармоника, клавијатура, саксафон Стефан Олсдал (1994-денес) – бас, гитара, клавијатура, помошен вокал
Дополнителни членови за изведби во живо се: Бил Лојд – гитара, бас гитара Алекс Ли (од 2006) – клавијатура, гитара
Поранешни членови Стив Хјуит (1996-2007) – тапани, перкусии Роберт Шулцберг (1994-1996) – тапани, перкусии Стив Форест (2008-2015) - тапани
Дискографија
Албуми Placebo (17 јули 1996) Without You I'm Nothing (12 октомври 1998) Black Market Music (9 октомври 2000) Sleeping with Ghosts (24 март 2003) Meds (13 март 2006) Battle for the Sun (2009) Loud Like Love (2013) Never Let Me Go (2022) Компилации Once More with Feeling (November 30, 2004) Covers (5 март 2007)Заб. Extended Play '07 (31 јули 2007) (издадено само во САД)
Covers оригинално се појави како бонус диск на издавањето на Sleeping with Ghosts Special Edition. Ексклузивно може да се симне на iTunes.
Placebo песни во филм, телевизија и видеоигри „Every You Every Me“ е почетната песна во филмот Cruel Intentions.IMDB - Cruel Intentions Soudtrack (Retrieved 2007-03-07). Песната е и на саундтракот на играта за Playstation F1 2000, издадена од EA Sports.http://www.absolute-playstation.com/api_review/rformula12000.htm (Retrieved 2007-04-05) „Bruise Pristine“ е искористена како дел од саундтракот во играта за Playstation од 1997 Gran Turismo.http://www.teenagewildlife.com/music/st/TSOGT/Title.html (Retrieved 2008-06-01)
Наводи
Надворешни врски
Placeboworld - Официјално мрежно место Placebo на MySpace
Категорија:Placebo Категорија:Англиски алтернативни рок-групи Категорија:Добитници на MTV Europe музички награди Категорија:Музички групи со ЛГБТ тематика Категорија:Музички групи од Лондон Категорија:Музички групи основани во 1994 Категорија:Музички групи основани во 1994 година