Чарлс Стариџ (англ. Charles Sturridge) (р. 24 јуни 1951) е англиски сценарист, продуцент, сценски директор, телевизиски и филмски режисер.
Животопис Младост Стариџ е роден во Лондон, Англија во семејството на Џером Стариџ и Алисон Боуман Воган. Се школувал во Стоунихарст Колеџ.
Кариера Стариџ започнал да работи како глумец, но само за крактко време. Во 1968 играл мало момче во филмот „ако....“ од Линдзи Ендертон и ја толкувал улогата на младиот Едвард VII во филмот „Едвард Седми“. Во неговите рани 20-ти години режирал епизоди на „Коронејшн Стрит“, „Незнаници“, „Светот во акција“, „Крунски суд“ и „Воени пленови“,. Се стекнал со светско реноме со неговата ТВ адаптација на романот „Враќање во Брајдсхед“ од Ивлин Во.
Од тоа време, па наваму режирал филмови како „Грст прав“, „Туѓинско поле“, „Таму каде ангелите се плашат да одат“, „Бајка: Бистинска приказна“ заснована на контроверзијата Котинглиски вили, „Тркачи“ од Стивен Пољакоф, римејк на детската класика „Леси“ и лирски извајаниот црно-бел сегмент „Ла Форца дел Дестино“ од „Арија“.
Стариџ продолжил да твори значајни дела за телевизија со „Бекет на филм“, дел од колаборативниот проект за филмување на сите драмски дела на Семјуел Бекет со Ентони Мингела, Мајкл Линдзи-Хог, Нил Џордан и Патриција Розема. Исто така го режирал и високоценетиот минисеријал „Гуливеровите патувања“ е БАФТА-добитните „Географска должина“ и „Шеклтон“.
Личен живот Стариџ се оженил со Фиби Николс, глумица од „Враќање во Брајдсхед“, на 6 јули 1985, и има три деца. Нивниот најстар син, Том Стариџ е глумец како родителите.
Избрана филмографија Режисер 1981: „Враќање во Брајдсхед“ (Brideshead Revisited) 1983: „Тркачи“ (Runners) 1987: „Арија“ (Aria) 1988: „Грст прав“ (A Handful of Dust) 1991: „Таму каде ангелите се плашат да одат“ (Where Angels Fear to Tread) 1993: „Туѓинско поле“ (A Foreign Field) 1996: „Гуливеровите патувања“ (Gulliver's Travels) 1997: „Бајка: Вистинска приказна“ (FairyTale: A True Story) 2000: „Географска должина“ (Longitude) 2002: „Шеклтон“ (Shackleton) 2005: „Леси“ (Lassie) 2009: „Бронте“ (Brontë) 2009: „Голема и ужасна убавина“ (A Great and Terrible Beauty)
Глумец 1968: „ако....“ (if....) 1975: „Едвард Седми“ (Edward the Seventh)
Наводи
Надворешни врски
Категорија:Англиски режисери Категорија:Луѓе од Лондон Категорија:Добитници на БАФТА награди Категорија:Родени во 1951 година