мини|Мајкл Газанига Мајкл Газанига (англиски: Michael S. Gazzaniga; роден на 12 декември, 1939) е професор по психологија на Калифорнискиот универзитет во Санта Барбара (University of California, Santa Barbara) каде го раководи новиот SAGE Центар за проучување на умот. Тој е еден од водечките истражувачи на когнитивната невронаука, научна дисциплина која ги проучува невралните основи на умот. Член е на Американската академија на науките и уметностите, Институтот за медицина и Националната академија на науките.
Во 1961 г. Газанига дипломирал на колеџот Дармут (Dartmouth College), а во 1964 г. се здобил со докторска титула (Ph.D.) по психологија на Калифорнискиот институт за технологија (California Institute of Technology) каде што работел под раководство на Роџер Спери со примарна одговорност да иницира истражувања кај луѓе со split-brain. Со неговите подоцнежни истражувања Газанига ги збогати нашите сознанија за Латерализација на мозочните функции и меѓусебното комуницирање на мозочните полутопки.
Издавачката кариера на Газанига опфаќа книги за општата читателска јавност: The Social Brain, Mind Matters, Nature's Mind, The Ethical Brain and Who's in Charge?. Уредник е на The Cognitive Neurosciences III од MIT Press во која пишуваат скоро 200 научници и претставува референтен извор од областа. Негова најнова монографија е Who's in Charge?: Free Will and the Science of the Brain, издадена во 2011 година.
Газанига ги основа Центрите за когнитивна невронаука на Калифорнискиот универзитет во Дејвис (University of California, Davis) и Дармут колеџот, Институтот за невронаука како и Часописот за Когнитивна невронаука (Journal of Cognitive Neuroscience) каде што е одговорен уредник. Газанига беше член на претседателскиот совет за биоетика (President's Council on Bioethics). Исто така, беше директор на проектот за законодавството и невронауката (Law and Neuroscience Project), проект кој ја проучува поврзаноста помеѓу овие две дисциплини.
Публикации
Влијание врз културата Работата на Газанига се спомнува во книгата Мир на земјата, роман од Станислав Лем.
Надворешни врски
Faculty Web Page at University of California Santa Barbara The Law and Neuroscience Project Sage Center for the Study of the Mind "The Effects of Crack" — an exchange between Gazzaniga and the conservative commentator William F. Buckley, Jr. Video of Gazzaniga demonstrating the effects of split brain surgery Video (and audio) of interview/discussion with Gazzaniga by Carl Zimmer on Bloggingheads.tv
Категорија:Апсолвенти на Калифорнискиот технолошки институт Категорија:Членови на Националната академија на науките на САД Категорија:Членови на Американската академија на уметностите и науките Категорија:Живи луѓе