Жарко Чабаркапа (роден на година, во Зрењанин, СР Србија, СФР Југославија) е црногорски кошаркар на позиција крилен центар.
Кариера Пред да замина за САД, Чабаркапа играше за КК Беопетрол и КК Будуќност Подгорица(во тим со неговиот сонародник во НБА, Александар Павловиќ) во Југославија. Играјќи таму, Жарко во просек постигнуваше 8.6 бода, 3.8 скока и 1.5 асистенции по натпревар.
Чабаркапа беше избран од страна на Феникс Санс во првиот круг(вкупно 17-ти) на НБА-драфтот во 2003 година. Во неговата дебитантска сезона, тој беше повреден, ограничувајќи го на само 49 натпревари таа сезона. Во 2005 година, “Сонцата” го разменија во Голден Стејт Вориорс во замена за два пика во вториот круг на драфтот. Со Вориорс-и, Жарко играше на 37 натпревари во сезоната 2004-05 и 61 натпревар во сезоната 2005-06. Жарко имаше проблеми со повреда на грбот, и неговиот договор со Вориорс-и заврши во 2006 година.
По заминувањето од НБА во 2006 година, Чабаркапа престана да игра активно кошарка на возраст од 25 години, заради заздравување од повредите. При крајот на ноември во 2008 година, беше изјавено дека Жарко се приклучува на својот поранешен клуб КК Будуќност Подгорица, но само на тренинзите, гледајќи да се врати себеси во натпреварувачка форма. На 16 јануари 2009 година, Чабаркапа потпиша со КК Будуќност подгорица. Два дена подоцна, на 18 јануари, Жарко го одигра својот прв професионален натпревар по повеќе од две години, настапувајќи 4 минути на дерби-двобојот во Јадранската лига, дома против КК Цибона. Жарко постигна 2 бода, без скокови и без асистенции.
Надворешни врски NBA.com Profile Basketpedya.com Player Profile Draft Profile
Категорија:Родени во 1981 година Категорија:Луѓе од Зрењанин Категорија:Живи луѓе Категорија:Југословенски кошаркари Категорија:Црногорски кошаркари Категорија:Српски кошаркари