Лазо Мајнов (роден на ) — поранешен македонски ракометар.
Кариера Мајнов својата ракометна кариера ја започнал во Работнички, а потоа четири сезони играл за Пролет, пред да се пресели во редовите на Вардар Ватростална каде што играл три сезони. Тој започнал интернационална кариера во 2003 година, преминувајќи во РК Загреб, со кој освоил две титули во хрватската премиер лига.
Мајнов сезоната 2005–06 ја поминал во францускиот Трембле, а во летото 2006 година повторно се вратил во Вардар ПРО. По една сезона во дресот на црвено-црните, тој заиграл за италијанскиот клуб Болоња Јунајтед, а потоа и за словенечкиот клуб Рибница, во кој се задржал две сезони, и го напуштил во 2010 година откако клубот доживеал финансиски крах. Тој повторно се вратил во македонската супер лига, потпишувајќи за Металург, но во македонскиот првак останал само една полусезона.
Мајнов следно заиграл во АСОБАЛ лигата, за Антекера, во 2011 година, но брзо го напуштил клубот поради неисплатени плати, преминувајќи во Мешков Брест на почетокот на 2012 година. На почетокот на сезоната 2012–13, тој потпишал за норвешкиот Елверум со кој ја освоил титулата во норвешкото првенство. Во летото 2013 година, Мајнов преминал во редовите на романскиот Одорхеи, во кој останал три сезони и со кој успеал да го освои ЕХФ Челинџ купот во сезоната 2014–15.
На почетокот на сезоната 2016–17, Мајнов се вратил во македонската супер лига, потпишувајќи за Еурофарм Работник. Лазо Мајнов официјално претставен како нов член на Еурофарм Работникgol.mk; 17 октомври 2016 Мајнов ја завршил својата кариера на 38-годишна возраст во ОАЕ, играјќи за АЛ-Наср, во кој преминал во 2018 година.ИНТЕРВЈУ ЛАЗО МАЈНОВ: Жалам што за Македонија не сум го дал максимумот, должен сум и затоа му се враќам на ракометот24rakomet; 14 ноември 2020
Во март 2022 година, Мајнов бил промовиран во извршен директор на клубот Бутел Скопје.Лазо Мајнов претставен за нов извршен директор на РК Бутел ekipa.mk; 9 март 2022
Наводи
Надворешни врски Лазо Мајнов на Европската ракометна федерација
Категорија:Родени во 1980 година Категорија:Живи луѓе Категорија:Ракометари од Скопје