Квадво Асамоа (роден на 9 декември 1988, во Акра) — гански поранешен фудбалер, играч од одбраната или од средниот ред.

Технички карактеристики Најчесто игра како крило, но исто така, може да биде распореден како внатрешен играч од средниот ред или како плејмејкер, па дури и на позицијата лев бек ако е потребно. Има извонредни тркачки способности, добра физика и одлична техника, а во декември 2012, бил додаден на списокот на 100 најдобри играчи во моментов од страна на весникот Гардијан (87. место).

Кариера Почетоците на кариерата Својата професионална кариера Асамоа ја започнал во екипата на Касеман во својата родна Гана, но веќе следната сезона се префрлил во Либерти Профешналс. Во зимскиот преоден рок 2008 година, бил ангажирани за Купот на африканските нации, и таму бил забележан од швајцарската екипа Белинцона (тогаш играле во втората швајцарска лига), но швајцарското законодавство за работниците кој доаѓаат надвор од Европа не му дозволува да добие дозвола за престој и работа. Затоа на крајот на јануари истата година, откако веќе потпишале договор со него, властите на Белинцона го пратиле во италијанскиот Торино на заем со право на откуп од 3.000.000 €. Тој го направил своето деби во Кампионато Примавера, на 23 февруари во натпреварот против Каљари што Торино го добиле со 0-3. Добрите игри во подмладокот му носат повик во првиот тим за натпреварот од Серија А против Каљари (пораз 3-0) на 16 март 2008, но Асамоа останал неискористена замена. До крајот на сезоната играл само за примавера и не одиграл ниту еден натпревар за првиот тим.

Удинезе thumb|left|200px|Асамоа во дресот на Удинезе во 2011.

Во летото 2008 година, откако Торино не го искористил правото на откуп, Асамоа отишол на заем во екипата на Удинезе, кој сега имал шанса да го откупи за еден милион евра. Своето деби за клубот од Удине го направил против Сампдорија, на 11 декември 2009, влегувајќи како замена во последните 20 минути. Во следното коло веќе бил стартер во натпреварот против Каљари, за првпат во неговата европска кариера. Својот прв погодок во црно-белиот дрес на Удинезе го постигнал на 19 април 2009 против Фјорентина. Првата сезона како професионалец во Европа ја завршил со два постигнати гола и неколку одлични партии кој ги пружил во дваесеттината одиграни натпревари.

Добрите игри му дозволиле да остане во Удине, така што управата на клубот ги откупиле неговите права во летото 2009 година. Во следната сезона тој постигна само еден гол, но на тимот повеќе им значеше неговата борбеност и работата што ја врши тој во средината на теренот од постигнувањето на голови, па и понатаму е дел од почетните единаесет на тимот.

Во сезоната 2010-11 тој е еден од најстандарните играчи во тимот и ги одигра сите 38 меча, влегувајќи само еднаш како резерва и тоа во против Бреша на 17 октомври. Истата сезона постигнал и два гола, но тие дошле во завршницата од сезоната во месец мај; против екипите на Фjорентина во поразот со 5-2 и против Кјево во победата од 2-0. Удинезе сезоната ја завршиле на одличното 4. место што води во квалификациите за шампионската лига.

Посебно добар впечаток Асамоа оставил во својата последна сезона со фриулијаните. По заминувањето на чилеанецот Алексис Санчес, Асамоа станал еден од клучните играчи и заедно со капитенот Антонио Ди Натале го водат Удинезе до третото место во Серија А (напредок во однос на претходната сезона) и уште една шанса да се пласираат во Лигата на шампионите. Тој успеал и да се запише во списокот на стрелците во натпреврите против Чезена (4-1) и Парма (3-1, два гола).

Јувентус

Во јуни 2012 Асамоа се пресели во Јувентус заедно со соиграчот од Удинезе Маурисио Исла. Асамоа ја започнал својата кариера во Јувентус на најдобар можен начин, постигнувајќи го својот прв гол во Суперкупот на Италија против Наполи во триумфот на неговиот клуб со 4-2. Во првото коло од првенството против Парма на 25 август 2013, Асамоа бил стартер за Јувентус што било негово деби за клубот на домашен терен. Тој му асистирал на Стефан Лихтштајнер во 54-тата минута, при постигнувањето на првиот гол во натпреварот, кој Јуве на крајот го добил со 2-0.Јувентус-Парма 2-0 Стрелци:С. Лихтштајнер 54' (асистенција на К. Асамоа) и А. Пирло 58' Иако неговата природна позиција е централен играч за врска, тој одлично се снашол на левата страна на теренот (каде играл во текот на целата сезона) од каде направил безброј корисни пробиви и запишал вкупно шест асистенции во својата прва сезона во клубот. Во 27 натпревари во кој настапил во сезоната 2012-13, Асамоа постигнал 2 гола против Џенова и Пескара, но овој вториот со ножички бил посебно убав.Kwadwo Asamoah 3rd Goal juventus vs pescara По завршувањето на сезоната успеал да го грабне својот прв позначаен трофеј во кариерата освојувајќи го скудетото.

Следната сезона исто така бил стандарден првотимец по левата страна на таа таканаречена позиција бек/крило. На 16 февруари 2014 година, го постигнал првиот погодок во победата со 3-1 на бјанконерите над Кјево на домашен терен. На 9 март го постигнал единствениот гол во натпреварот за победа над Фјорентина со 1-0 во Торино. Со два гола во 34 настапи во Серија А, придонел за Јуве да ја одбрани титулата и да го освои 30-тото скудето.

На 17 декември 2018 го одиграл својот 150-ти натпоревар во дресот на Јувентус, во ремито 0-0 на гостувањето кај СПАЛ во Серија А. Во јуни 2018, Асамоа станал слободен играч откако одбил да го продолжи договорот со Јувентус.

Интер На 2 јули 2018, Интер го потврдиле доаѓањето на Квадво Асамоа во нивните редови со слободен трансфер.

Клупска статистика Статистиката е ажурирана на 18 мај 2014.

Сезона Клуб Првенство Национален куп Континентален куп Останати купови ВкупноЛигаНастГолЛигаНастГолЛигаНастГолЛигаНастГолНастГол 2008-2009 Удинезе A 20 2 КИ 2 0 КУ 6 0 - - - 28 2 2009-2010 A 25 1 КИ 2 0 - - - - - - 27 1 2010-2011 A 38 2 КИ 1 0 - - - - - - 39 2 2011-2012 A 31 3 КИ 0 0 ЛШ+ЛЕ 2Во плеј-офот.+7 0 - - - 40 3 Вкупно Удинезе 114 8 5 0 15 0 - - 134 8 2012-2013 Јувентус A 27 2 КИ 1 0 ЛШ 7 0 СИ 1 1 36 3 2013-2014 А 34 2 КИ 1 0 ЛШ+ЛЕ 5+6 0+0 СИ 1 0 47 2 Вкупно Јувентус 61 4 2 0 18 0 2 1 83 5 Вкупно во кариерата 175 12 7 0 33 0 2 1 215 13

Титули Репрезентација на Гана Африкански куп на нации сребрен медал: 2010 Африкански куп на нации бронзен медал: 2008

Јувентус Серија А (6) : 2012-13, 2013-14, 2014-15, 2015-16, 2016-17, 2017-18 Куп на Италија (4) : 2014-15, 2015-16, 2016-17, 2017-2018 Суперкуп на Италија (3) : 2012, 2013, 2015

Наводи

Надворешни врски Квадво Асамоа на soccerway Квадво Асамоа на transfermarkt Квадво Асамоа на Goal.com Квадво Асамоа на espn Квадво Асамоа на whoscored

Категорија:Фудбалери во Серија А Категорија:Фудбалери на ФК Торино Категорија:Фудбалери на ФК Удинезе Категорија:Фудбалери на ФК Јувентус Категорија:Фудбалери на ФК Интер Категорија:Фудбалери на Каљари Калчо Категорија:Гански фудбалери Категорија:Живи луѓе Категорија:Родени во 1988 година