Роберто Максимилијано Переира (роден на 7 јануари 1991, во Сан Мигел де Тукуман) — аргентински фудбалер, играч од средниот ред, кој моментално е без клуб.

Технички карактеристики И покрај тоа што посилна нога му е десната, почесто е користен како лево крило. Примарна позиција му е плејмејкер.

Клупска кариера Ривер Плејт

Перира дебитирал во аргентинската Примера Дивизион влегувајќи во игра за Ривер Плејт во 64-тата минута во поразот на неговиот тим со 4-0 од Уракан, на 16 мај 2009 во 14. коло од првенството.

Удинезе Переира го напуштил Ривер и потпишал петгодишен договор со екипата од Серија А, Удинезе неколку часа пред трансферниот прозорец да биде затворен на 31 август 2011 година. Своето деби во Серија А, го направил на 28 јануари 2012 кога влегол на местото на Маурисио Исла во 86-тата минута, во поразот на неговиот тим од Јувентус со 2-1 во Торино. Својот прв погодок во дресот на Удинезе, Переира го постигнал на 29 април 2012 со што го оформил конечниот резултат (2-0) против Лацио во 94-тата минута од натпреварот.

Јувентус left|210px|thumb|Переира во дресот на во 2015 година. На 24 јули 2014 потпишал договор со Јувентус, кој вклучува позајмица на една година за 1 милион евра со можност за целосен откуп за 14 милиони евра.Перира го засили Јувентус Grid.mk По негова желба му бил доделен дресот со број 37. Тој го направил своето деби за Јувентус на 30 август во Верона во натпревар од првото коло од сезоната во кој неговиот тим го совладал Кјево со 1-0, влегувајќи од клупата за резерви на местото на Артуро Видал во 86-тата минута. Во следното коло при своето домашно деби го направил првиот старт за клубот во победата со 2-0 над неговиот поранешен тим Удинезе. Својот прв гол во дресот на Јуве го постигнал на 15 јануари 2015, во победата со 6-1 на домашен терен против Верона во Купот на Италија. Три дена подоцна против истиот противник го постигнал првиот гол за бјанконерите во Серија А, при победата со 4-0. На 4 април постигнал погодок во последните секунди од натпреварот на домашен терен против Емполи поставувајќи го конечниот резултат Јувентус 2 Емполи 0. На 2 мај го освоил своето прво скудето во кариерата, после победата на неговиот клуб над Сампдорија на гости со 0-1. Переира играл и во финалето на Лигата на шампионите во Берлин против Барселона, влегувајќи од клупата за резерви во второто полувреме на местото на чилеанецот Артуро Видал.

На 23 јуни 2015 е откупен за сума од 14 милиони евра која ќе се плаќа во три години, со максимални бонуси од 1,5 милиони евра во зависност од постигнувањата, потпишувајќи четиригодишен договор до 30 јуни 2019 година.UFFICIALE: Juventus, riscattato Pereyra dall'Udinese tuttomercatoweb.com На 25 октомври 2015 година, во натпреварот на домашен терен против Аталанта, во кој Јувентус победил со 2-0, Переира заработил повреда на десното бедро, делумно поради рецидив, која го оддалечила од терените за повеќе од три месеци. Се вратил во акција на 7 февруари 2016, во победата на гости против Фрозиноне со 0-2, заменувајќи го Стефано Стураро во 66-тата минута. Сезоната ја завршил со само 16 настапи во сите натпреварувања.

Вотфорд На 19 август 2016, англискиот Вотфорд го купил Переира за 13 милиони евра плус 2 милиони евра бонуси, потпишувајќи петгодишен договор со играчот. Переира одбрал да го носи дресот со број 37 кој го носел и во Јувентус. На своето деби за Вотфорд на 27 август, Переира го постигнал својот прв гол за новиот клуб во поразот со 1–3 на домашен терен од во Премиер лигата.

Репрезентативна кариера Переира бил повикан да ја претставува аргентинската репрезентација под 20 години на Светското првенство за играчи под 20 години 2011. Тој ги одиграл сите три натпревари од групната фаза, помагајќи и на Аргентина да ги порази Мексико и Северна Кореја и да одигра нерешено со Англија. Тој ја пропуштил победата над Египет во осминафиналето поради суспензија, но се вратил во почетната постава за четвртфиналниот судир против Португалија, во кои Аргентина загубила на пенали откако ниеден тим не постигнал гол за време на 120 минути игра.

Тој го направил своето деби за сениорската репрезентација на Аргентина на 11 октомври 2014 во пријателски натпревар против Бразил (0-2) одигран во Пекинг, откако бил повикан од страна на Херардо Мартино.

Хронологија на репрезентативните настапи

Титули Јувентус Серија А (2) : 2014-15, 2015-16 Куп на Италија (2) : 2014-15, 2015-16 Суперкуп на Италија (1) : 2015

Наводи

Надворешни врски Роберто Переира на soccerway Роберто Переира на transfermarkt

Категорија:Аргентински фудбалери Категорија:Живи луѓе Категорија:Фудбалери во Серија А Категорија:Фудбалери од Премиер Лига Категорија:Фудбалери на ФК Ривер Плејт Категорија:Фудбалери на ФК Удинезе Категорија:Фудбалери на ФК Јувентус Категорија:Фудбалери на ФК Вотфорд Категорија:Фудбалери на ФК АЕК Атина Категорија:Родени во 1991 година