Галеби () — семејство крајбрежни птици (морски, езерски, речни), средни до големи, со бело или сиво перје, често со црни дамки на главата или крилјата. Опис Зависно од видот, големината на галебите се движи од најмалиот кој тежи 120 г и е долг 29 см, до најголемиот кој е тежок 1,75 кг и долг 76 см. На поголемите видови потребни им се 4 години сосема да созреат и да имаат перје на возрасни, а на помалите за тоа им треба 2 години. На нозете имаат три прста нанапред поврзани со пливачка кожичка (ципа) и еден прст, речиси сосема закржлавен, свртен наназад. Клунот им е релативно долг и тенок, малку свиен надолу. Бојата на клунот често е жолта со црвена точка кај белоглавите поголеми галеби, и црвен, темноцрвен или црн кај помалите галеби. Поведение Најголемиот број галеби живеат во умерените и постудените делови на двете полутопки. Живеат на бреговите од морето или езерото, понекогаш и подлабоко во копнениот дел, а многу ретко се впуштаат во лет на отворено море. Галебите, особено поголемите видови, се многу интелигентни птици, кои користат сложена комуникација и имаат многу развиена социјална структура.Alcock, J. (1998) Animal Behavior: An Evolutionary Approach (7th edition). Sinauer Associates, Inc. Sunderland, Massachusetts. ISBN 0-87893-009-4 На пр. тие често се здружуваат во групи заради одбрана од грабливци, некои од нив покажале способност за користење примитивни алати итн. Многу видови галеби се успешни во соживотот со луѓето. Најдолг животен век забележан е за сребренестиот галеб и изнесува 49 години. Размножување
Галебите се гнездат во големи, густи и бучни јата. Гнездото е направено од вегетација и во него снесуваат 2-4 јајца кои агресивно ги бранат. Јајцата ги лежат наизменично обата родитела во период од 3 до 5 недели. Кога ќе се излегнат, пилињата веднаш се способни да трчаат и пливаат, но им требаат 3-9 недели за да почнат да летаат, а дотогаш остануваат во гнездото каде родителите ги хранат. Исхрана Повеќето од галебите се хранат со месо, а некогаш се случува да јадат и мрши. Обично јадат ракови и ситни риби. Но, сепак, општо земено, галебите јадат сè што ќе им биде понудено од луѓето, нивните остатоци, и секаква храна - растителна и животинска. Како и другите птици од нивниот ред (барските птици), и галебите пијат и солена и слатка вода. Тие имаат егзокрини жлезди со кои натриум хлоридот можат да го исфрлат преку ноздрите што им помага на бубрезите во одржувањето на електролитната рамнотежа.
Список на видовите
Вид Larus Larus pacificus Larus belcheri Larus atlanticus Larus crassirostris Larus heermanni Larus canus Larus delawarensis Larus californicus Larus marinus Larus dominicanus Larus dominicanus vetula Larus glaucescens Larus occidentalis Larus livens Larus hyperboreus Larus glaucoides Larus glaucoides kumlieni Larus thayeri Larus argentatus Larus heuglini Larus smithsonianus Larus michahellis Larus cachinnans Larus vegae Larus armenicus Larus schistisagus Larus fuscus
Вид Ichthyaetus Ichthyaetus leucophthalmus Ichthyaetus hemprichii Ichthyaetus ichthyaetus Ichthyaetus audouinii Ichthyaetus melanocephalus Ichthyaetus relictus
Вид Leucophaeus Leucophaeus scoresbii Leucophaeus atricilla Leucophaeus pipixcan Leucophaeus fuliginosus Leucophaeus modestus
Вид Chroicocephalus Chroicocephalus novaehollandiae Chroicocephalus scopulinus Chroicocephalus hartlaubii Chroicocephalus maculipennis Chroicocephalus cirrocephalus Chroicocephalus serranus Chroicocephalus bulleri Chroicocephalus brunnicephalus Chroicocephalus ridibundus Chroicocephalus genei Chroicocephalus philadelphia
Род Saundersilarus Saundersilarus saundersi
Род Hydrocoloeus Hydrocoloeus minutus
Род Rhodostethia Rhodostethia rosea
Род Rissa Rissa tridactyla Rissa brevirostris
Род Pagophila Pagophila eburnea
Род Xema Xema sabini
Род Creagrus Creagrus furcatus
Галебите како тема во уметноста и во популарната култура Галебот Џонатан Ливингстон — новела од Ричард Бах. „Галеб“ — песна на македонската поетеса Јованка Денкова.Јованка Денкова, Исповед на бршленот. Штип: Јованка Денкова, 2024, стр. 49. „Галеб“ — песна на македонскиот поет Блаже Конески.<ref>Блаже Конески, 'Везилка. Скопје: Арс Ламина - публикации, Арс Либрис, 2021, стр. 19.</ref> „Кон галебот што кружи над мојата глава“ - песна на македонскиот поет Ацо Шопов.Ацо Шопов, Песни. Скопје: Македонска книга, Мисла и Култура, 1988, стр. 36. „Вовед: Песна на галебите“ (англиски: Prelude: Song Of The Gulls) — песна на британската рок-група King Crimson од 1971 година.King Crimson – Islands (пристапено на 27.1.2023) „Песна за морскиот галеб“ (англиски: Song To A Seagull) — песна на канадската музичарка Џони Мичел (Joni Mitchell) од 1968 година.Joni Mitchell – Song To A Seagull (пристапено на 24.4.2023) „Морски галеб“ (англиски: Seagull) — песна на британската рок-група Рајд (Ride) од 1990 година.Ride – Nowhere (пристапено на 15.2.2024) „Галебе мој тажен“ - песна на македонската поп-пејачка Верица Ристевска.YouTube, Галебе мој тажен - Верица Ристевска - Galebe moj tazhen - Verica Ristevska (пристапено на 14.10.2019)
Наводи
Литература Grant, Peter J. (1986), Gulls: a guide to identification ISBN 0-85661-044-5 Howell, Steve N. G. and Jon Dunn (2007), Gulls of the Americas ISBN 0-618-72641-1 Olsen, Klaus Malling & Larsson, Hans (1995), Terns of Europe and North America''. Christopher Helm, London. ISBN 0-7136-4056-1
Надворешни врски
Видеа со галеби на Internet Bird Collection Gullpix Слики на галеби, сортирани по видови
Категорија:Дождосвирни Категорија:Птици по класификација