Грабов (; службено наречен Грабов (Елде), а поретко и „Грабов Мекл“) — град во округот Лудвигслуст-Пархим, во сојузната покраина Мекленбург-Западна Померанија, Германија. Се наоѓа на реката Елде, 7 километри југоисточно од Лудвигслуст и 34 километри северозападно од Витенберге. Градот претставува административно седиште на истоимената општинска заедница.
Кон Грабов припаѓаат следниве единици: Бохин, Фрезенбриге, Хајдехоф, Штезов, Ванцлиц, Винкелмор и Цугелраде.
Историја
Името Грабов е со словенско потекло, граб означува „габер“. Имиња со словенско потекло не се никакво изненадување во Мекленбург и тие често се сретнуваат. Било малку изменето во Грабове (1186, 1252, 1275) и Грабов (1189, 1298). Папата Урбан III првпат го споменал замокот Грабов во писмо од 23 февруари 1186 година. Градот ги добил градските права во 1252 година од грофот на Даненберг. На 3 јуни 1725 година, градот бил уништен од голем пожар. Замокот никогаш не бил повторно изграден. Најмалку од век имало Евреи во градот, кој зад себе оставиле синагога и гробишта. И двата објекта биле уништени или оштетени во текот на Кристалната ноќ. Историскиот стар дел на Грабов е препознатлив од многуте фахверк куќи од век.
Ото Плат, таткото на Силвија Плат, имигрирал од Грабов во Америка.
Галерија
Наводи
Надворешни врски
Официјална страница
Категорија:Лудвигслуст-Пархим Категорија:Градови во Мекленбург Категорија:Населени места основани во 13 век