Приморски Алпи (, ) — департман во регионот Прованса-Алпи-Азурен Брег, во крајниот југоисточен агол на Франција.
Географија
Приморските Алпи се граничат со департманот Вар на југозапад, Горнопровансалските Алпи на северозапад, Италија и Монако на исток и Средоземното Море на југ.
Топографијата е мошне разновидна. Како што кажува името, во него се протега венецот Приморски Алпи, но подеднакво својствен му е и средоземниот брег. Овие крајбрежни предели се густо населени, со непрекината конурбација од Кан од Ментон. Планинските краишта се рурални, со исклучок на големите скијачки центри Валбер, Орон и Изола 2000.
Административна поделба
Приморските Алпи се делат на два округа:
Грас и Ница
Окрузите имаат 52 кантона со вкупно 163 општини.
Најголемите градови во департманот се слениве:
Ница (348.721) Антиб (76.778) Кан (71.790) Грас (51.294) Кањ на Море (49.551) Ле Кане (42.596) Валорис (30.839) Сен Лорен ди Вар (30.605) Ментон (29.129) Манделје ла Напул (20.889) Мужен (20.250) Ванс (19.659)
Историја Подрачјето на департманот за првпат се јавува како целина во 14 г. п.н.е. кога е основан римски воен округ по иницијатива на царот Октавијан Август. Кон средината на I век се претвора во провинцијата Приморски Алпи () со главен град во Цеменелум (денес населбата Симје во Ница), а потоа во Ембрен. При најголемиот територијален опфат во 297 г., провинцијата се протегала на север сè до Дињ и Бријансон.
Од 1793 до 1814 г. на ова подрачје опстојувал првиот департман Приморски Алпи, но со различни граници од денешните. Во 1793 г. во него спаѓале Монако (Порт Еркил) и Санремо (Сан Рем), но не и Грас, кој тогаш бил дел од департманот Вар.
Во 1812 г. департманот броел 131.266, жители и зафаќал површина од 322.674 хектари.Almanach Impérial an bissextil MDCCCXII — „Галика“, стр. 368,
Во 1860 г. допаѓа до проширување на Приморските Алпи со припојување на тогашната грофовија Ница кон Франција. Кон департманот се придодадени независните градови Ментон и Рокебрин, како и округот Грас, отстапен од Вар.
Стопанство Стопанството на Приморските Алпи во голема мера се заснова на услужните дејности. Високо се развиени и истражувачката и вишите дејности. Земјоделството и индустријата играат мошне мала улога. Од поголемо значење се градежништвото и другите јавни дејности. Стопанството е многу чувствително на промени на состојбите во државата и на меѓународен план. Невработеноста изнесува 9,1%.
Според INSEE, во 2005 г. Приморските Алпи имале БДП по глава на жител од 27.723 евра.Необработени податоци за БДП при тековните цени — INSEE Вкупниот БДП изнесувал 29,6 милијарди евра.
Поврзано Општини во Приморските Алпи Окрузи во Приморските Алпи
Библиографија The Heritage of the Communes of Alpes-Maritimes in two volumes, Flohic Éditions, collective work, volume I, Cantons of Antibes to Levens, January 2000, Paris, 504 pages, ISBN 2-84234-071-X, Jean-Luc Flohic The Heritage of the Communes of Alpes-Maritimes in two volumes, Flohic Éditions, collective work, volume II, Cantons of Menton to Villefranche-sur-Mer, January 2000, Paris, 574 pages, ISBN 2-84234-071-X, Jean-Luc Flohic, p. 505 to 1079 Rural Architecture of Alpes-Maritimes, Édisud, Philippe de Beauchamp, 1992, Aix-en-Provence, 140 pages, ISBN 2-85744-612-8, Photographer Loîc-Jahan Religious Art in Alpes-Maritimes, Édisud, Philippe de Beauchamp, 4th Quarter 1993, Aix-en-Provence, 144 pages, ISBN 2-85744-485-0, Photographer Loîc-Jahan
Наводи
Надворешни врски
Префектура на Приморските Алпи Генерален совет на Приморските Алпи
Категорија:Департмани во Прованса-Алпи-Азурен Брег