Ѓунер Небиу (албански: Gjuner Nebiu; , ) — педагог , долгогодишна просветна работничка , феминистка, мировна активистка и застапувачка на женските човекови права.
Професија
Ѓунер Небиу по професија е педагог со 35годишно работно искуство во образованието(до 2006). Долгогодишна менторка на студентите од Педагошки факутет, надворешна соработничка на Бирото за развој на образованието и рецензент на наставни учебници и прирачници за основно образование.
Општествен активизам
Од 1992 година активно е вклучена во мировното и женското движење во Македонија и на глобално ниво. Учествува во основањето на повеќе женски формални/неформални групи и мрежи чија мисија е унапредувањето и заштитата на женските човекови права , постигнувањето на родовата рамноправност, изградбата на мирот и граѓанското општество во Р Македонија и пошироко. Општествениот активизам го започнува во Сојузот на албанската жена во Македонија( САЖМ )- прва регистирана женска организација во независна Р Македонија и нејзините ограноци во Скопје и Општина Чаир. Паралелно со нејзината активност во САЖМ ( 1993 – 2001), таа е една од основачките и координаторките на интеретничката мрежа на жени Женска граѓанска иницијатива АНТИКО од 1999, основана од страна не лидерки и активистки женското мировно и феминистичко движење на Македонија и регионот.
Ѓунер Небиу своето искуство го споделува со други борци за женски и човекови права во улога на волонтерка, учесничка, фацилитаторка, воведничарка, модераторка, панелистка на конференции, семинари, обуки, работилници панел дискусии, летни школи во Македонија, балканскиот регион, ЕУ и во земјите на Средниот Исток. Во периодот од 2006 до 2012 е членка на координативното тело Euromed Feminist Initiative, а од 2014 е членка на одборот на Euromed Feminist Initiative. Исто така, од 2007 година е советник на Global Fund for Women.
Публикации
Уредник и автор на збирка на текстови и прирачници од областа на родова едукација и јакнење на капацитети на жените политичарки(,,Жените тоа го можат", „Жени во фокус“, брушурата ,,Жеските права се човекови права“, Уредник на прирачникот ,,Школо за мултикултурализам“, и други изданија во рамките на кампањата за искоренување на родовото и семејното насилство.
Проекти
Таа во досегнашнoтo активно делување била во улога на координаторка и тим-лидерка на иницијативи и проекти во областа на изградба на мирот, зајакнување и вклучување на жени во политиката, пазарот на труд и превенција и заштита од родовото и семејното насилство. Дел од проектите во кои била вклучена се:
Регионалната програма за Политичко јакнење на жените „Жените тоа го можат“ (2002-2009) Преку едукација и зајакнување кон социјално вклучување и активно граѓанство (зајакнување на жените од етничките малцинства од рурални средини 2009-2012 ) Транснационалниот проект „Поврзување и зајкнување на женски организации од западен Балкан“ кои работат на женски права и родова рамноправност ( 2011-2013) Меѓународна конференција „Жени, мир и сигурност - феминистичка алтернатива“ – Скопје 2009 - учесници/чки од 24 земји од балканскиот регион, ЕУ, Средниот Исток , Кавказ и САД. Меѓународна мировна конференција „Жените од 21 век“ - Каиро ( 2010) Проекти во рамките на кампањите „16 дена активизам против родовото и семејното насилство“ и други.
Надворешни врски Небиу на Initiative Féministe Euroméditerranéenne Euromed Feminist Initiative IFE-EFI http://www.antiko.org.mk/novosti_detail.asp?ID=222
Категорија:Луѓе од Тетово Категорија:Македонски Албанци Категорија:Македонски феминисти Категорија:Југословенски Албанци Категорија:Југословенски феминисти