Атака () е националистичка политичка партија во Бугарија. Според некои мислења, Атака е крајнодесничарска партија, а според други - левичарска, или крајнолева.Матеев, Йордан. Кой е ляв и кой десен в България?, Капитал, 14 май 2007

Од своето основање во 2005 до есента 2009 година, партијата е поддржана од ТВ СКАТ и нејзиниот сопственик Валери Симеонов. Партијата го земала името од политичката емисија „Атака“, која постоела во тоа време на телевизија СКАТ со автор и водител новинарот Волен Сидеров. Партијата е парламентарно претставена, издава партиски весник („Атака“) и поседува своја телевизија - „ТВ Алфа“. Партијата има русофилски позиции.

Историја

Создавање Партија Атака била формирана на 17 април 2005 година во Софија, официјално регистрирана во Софискиот градски суд во јули 2005 година. На основачкиот собир на партијата учествувале над 500 делегати. За претседател на партија Атака е избран Волен Сидеров. Уште во првите месеци по своето создавање, Атака собрала голем број симпатизери и членови на партијата. На парламентарните избори во 2005 година партија Атака учествувала како Коалиција Атака, заедно со неколку партии и други организации, поради одбивањето на судот да ја регистрира, за да учествува самостојно на изборите.

Позиции Партија Атака политички е ориентирана кон национализмот. Малку по основањето во април 2005 година, Атака ја претставила својата политичка програма со подготовка на т.н. „20 принципи“.

Атака се одределува како антипод на (според мислењето на нејзините водачи) етничката, турска, анти-уставна и сепаратистичка организација Движење за права и слободи (ДПС).

Таму можат да се најдат доста предлози за радикални промени во Уставот на Република Бугарија како институционализирање на Бугарската православна црква и признавање на православието како официјална религија во Бугарија.

Друго барање е за враќање на смртната казна за тешки криминални злосторства, поради фактот на зачестените сурови убиства, голем дел од кои се извршени од т. н. „цигански бандити и мародери“ во Бугарија во последните неколку години.„Атака“: Връщане на смъртното наказание и незабавно разрушаване на гетата

Исто така партијата бара целосна воена неутралност на државата и излегување од НАТО.

Една од точките на шемата на Атака бара правна формула за поимот „национален предавник“, како и строги санкции за личности кои ги исмеваат бугарски национални знаменитости. Атака сака запирање на нелегалните според нив новини на турски јазик на БНТ (која се издржува од државниот буџет). Волен Сидеров го објаснува тоа со фактот дека во Уставот на Бугарија единствениот службен јазик е бугарскиот.

Со својата нова политичка програма, прогласена во почетокот на 2012 година и наречен „Планот Сидеров“, ПП Атака тврди дека при враќањето во бугарски раце на злато и други вредни метали воопшто, електро-дистрибуција компании, мобилни телекомуникациски компании и банки, минималната пензија во државата веднаш е можно да стане 500 лв. а минималната плата е можно да стане 1 000 лв. Надворешнополитичката позиција на Атака е проруска и антиамериканска и антинатовска.

Енергетика

Затворени блокови на АЕЦ „Козлодуј“ По однос на евроинтеграцијата на страницата, Атака е за ревизија на некои од главите во договори за членството на Бугарија во ЕУ, како затворањето на атомската централа Козлодуј. Според водачите на партијата, потпишаните договори за влезот на Бугарија во Европската унија се „национални предавници“, токму поради лошо договорените параметри за членство.

Позицијата на Атака за затворањето на атомска централа Козлодуј е дека тоа е направено не европско барање, а за пари од „грст неодговорни политики и ... национални предавници“. Издвоени биле: Иван Костов, Симеон ІІ, Сергеј Станишев, Румен Овчаров, Меглена Кунева.

Пораките на Атака предизвикале пречки во медиумскиот простор, како нејзиното место во политичкиот спектар е одредувано од крајно лево до крајно десно.

Белене Во 2012 година Атака, исто како и БСП сака референдум за изградба на атомска централа „Белене“ (таков референдум е одржан подоцна 27 јануари 2013 година).„Атака“ иска референдум и за АЕЦ „Белене“, и за членството в НАТО, в. Дневник, 15 октомври 2012 Така тоа се двете парламентарно претставени партии останале, кои го поддржуваат проектот при неодобрување од ГЕРБ, ДСБ и ДПС.„Атака“ дава рамо на социалистите, Дарик – финанси, 17 май 2013

Обвинение за тивка поддршка за БСП-ДПС Веднаш по изборите на 12 мај 2013 година, Волен Сидеров изјавил јасно дека нема да поддржи ниту влада на ГЕРБ, ниту влада на БСП и ДПС, а Атака ќе биде набљудувач и коректив, и ќе гласа само овие одлуки на идната влада, кои се во интерес на Бугарија и на нејзините граѓани.Сидеров: „Атака“ няма да се коалира с ГЕРБ, БНТ, 13 май 2013Волен Сидеров: „Атака“ няма да влиза в коалиции , в. „Атака“, 18 май 2013„Атака“ няма да подкрепи правителство, но и „няма да позволи нови избори“, Медиапул, 21 май 2013Волен СИДЕРОВ: Нито Борисов, нито Орешарски, подкрепяме само интереса на народа! , в. „Атака“, 28 май 2013

При гласањето на предлог за влада на БСП во партнерство со ДПС на 29 мај 2013 година, и покрај индикациите од претходната недела дека нема да учествуваат во гласањето во НС, што при отсуство и на ГЕРБ не би дало потребниот кворум за формирање влада.

Освен тоа што овозможува кворум при гласањето за влада на БСП, Атака не гласа со „не“, и гласовите на десницата во парламентот биле за 1 повеќе. Владата на Пламен Орешарски е усвоена од парламентот. Волен Сидеров вели дека обезбедува тивка поддршка на владата на БСП, која подоцна може да ја повлече.Водачът на „Атака“ Волен Сидеров осигури кворум за гласуване на проектокабинета „Орешарски“, в. Дневник, 29 май 2013

Атака во Европскиот парламент

Партија Атака била првично претставена во Европскиот парламент од Димитар Стојанов, кој е пратеник во ЕП. Димитар Стојанов е внук на познатиот бугарски писател Радој Ралин и син на сопругата на Сидеров, Капка Георгиева. Подоцна тој станал независен член во ЕП. Таму неколкупати влегол во вербални расправии со холандската европратеничка Елс де Хрун, која според зборовите на Стојанов ги искривува идеите и активностите на „Атака“ и ги претставува барањата за еднакви права и обврски како расизам. И покрај сè, Де Хрун повторно ја обвинила „Атака“ поттикнување на „омраза кон малцинствата во Бугарија“ и поддршка на националсоцијализмот.

Избори + Учество на Атака на изборите во Бугарија <center>година <center>избори <center>гласа <center>% <center>резултат <center>2005 <center>Народно Собрание <center>296 848 <center>8,14 <center>21 од 240 места <center>2006 <center>Претседател – први круг <center>597 175 <center>21,486 <center>Волен Сидеров оди на втори круг <center>Претседател – втори круг <center>649 387 <center>24,052 <center>Волен Сидеров губи од Георги Прванов <center>2007 <center>Европски парламент <center>275 237 <center>14,2 <center>3 од 18 места за Бугарија <center>2009 <center>Европски парламент <center>308 052 <center>11,96 <center>2 од 17 места за Бугарија <center>2009 <center>Народно Собрание <center>395 656 <center>9,36 <center>21 од 240 места <center>2011 <center>Претседател <center>122 466 <center>3,64 <center>четврто место <center>2013 <center>Народно Собрание <center>258 481 <center>7,4 <center>23 од 240 места <center>2014 <center>Европски парламент <center>66 210 <center>2,957 <center>не добива местоОфициална страница на ЦИК за изборите за Европейски парламент на 25 май 2014 <center>2014 <center>Народно Собрание <center>148 262 <center>4,5 <center>11 од 240 места <center>2016 <center>Претседател <center>573 016 <center>14,97 <center>трето место

Наводи

Надворешни врски

Официјална страница на Атака

Категорија:Бугарски национализам Категорија:Политички партии во Бугарија Категорија:Русофили