Лионски Залив (, , , , , средновековен , класичен латински: ) — широк залив на средоземниот брег на областите Лангдок-Русијон и Прованса во Франција, од границата со Каталонија на запад до Тулон.
Главно пристаниште во заливот е Марсеј, а важен е и Тулон. Значајна стопанска дејност во него е уловот на ослич (Merluccius merluccius) со влечење мрежи, иако неговата бројност е намалена поради прекумерно ловење.
Во Лиоснкиот Залив се влеваат реките Тек, Тет, Од, Орб, Еро, Видурл и Рона.
Овде континенталниот праг има отворен облик на широка крајбрежна рамница, морскиот терен нагло паѓа во абисалната рамнина на Средоземјето. Голем дел од брегот е сочинет од лагуни и солени мочуришта.
На подрачјето владеат студените гласни ветришта наречени мистрал и трамонтана.
Потекло на името Денешното име на заливот првпат се среќава во XIII век како латински sinus Leonis, mare Leonis, т.е. „Лавовски Залив“, веројатно поради ненадејната бурност на ветриштата во него која ги напаѓала пловилата „како лав“Louis Michel, 1964, La langue des pêcheurs du golfe du Lion, Paris: D'Artrey. Ова потекло е наведено во бројни извори, како што е речникот на топоними на Дерој и Милон,Louis Deroy, & Marianne Mulon, 1994, Dictionnaire des noms de lieux, Paris: Le Robert Мистраловиот речник на окситанскиот јазик,Frederic Mistral, 1878-1886 (1979), Lou Tresor dóu Felibrige ou dictionnaire provençal-français, Aix-en-Provence: Edisud. славната Енциклопедија на Дидро и ДаламберEncyclopédie ou dictionnaire raisonné des sciences, des arts et des métiers како и неколку списи од XIII век.Mémoires pour l'histoire naturelle de la province de Languedoc
Овие извори ја отфрлаат претпоставката дека името има врска со градот Лион, бидејќи тој е многу оддалечен.
Во Roman антиката, заливот го носел класичното латинско sinus Gallicus („Галски Залив“).
Геодинамника Лионскиот Залив не е просто пасивен континентален раб; настанат е со олигоценско-миоценски налево вртење на Корзиканско-Сардинскиот Блок во однос на европскиот Кратон. Ова проширување заживеало мошне сложен тектонски состав наследен од развојот на Тетида и пиринејската орогенеза. Еоценскиот горообразен настан со кој произлегле Пиринеите ја набила и здебелила сета кора. Геолозите предвидуваат дека под рабовите на заливот кон отвореното море ќе лежи големо количество нафта.
Морска екологија Заливот се одликува со биоразновидност врзана со гребенообразниот окат корал (Lophelia pertusa).C. Michael Hogan. 2011. Alboran Sea. eds. P. Saundry & C. J. Cleveland. Encyclopedia of Earth. National Council for Science and the Environment. Washington DC
Наводи
Надворешни врски
Морска топографија на Лионскиот Залив
Категорија:Заливи во Франција Категорија:Заливи во Средоземното Море Категорија:Лангдок-Русијон Категорија:Прованса-Алпи-Азурен Брег