Бригада на Народната одбрана била формирана на 11 септември 1944 година во Прилеп, и дооформена во Горно Врановци, Велешко.д-р Марјан Димитријевски „Македонската војска 1944-1945“, Скопје, ИНИ, 1999 г., стр. 164-165 Делувала на територија на цела Македонија како составен дел на Корпусот на народната одбрана. Организатор и раководител на дејноста во Македонија бил тогашниот началинк на ОЗНА во Македонија, Цветко Узуновски - Абаз. Командант на бригадата бил Тодор Настевски - Бодо, политички комесар бил Коле Млекарот, а младински раководител, Кочо Битољану.
Делување Бригадата делувала на територијата на цела Македонија, а нејзини делови се наоѓале во составот на Одделението за заштита на народот. Бригадата се состоела од три батаљона распоредени во село Горно Врановци, Велешко, во Источна Македонија и во Западна Македонија. Активностите на бригадата подразбирале сузбивање на: остатоците од реакционерните сили, колаборационистите, остатоци од непријателски единици, шверц, и друго.
Во рамките на завршните операции за конечно ослободување на Македонија, оваа бригада имала задача да влегува во ослободените градови на Македонија, да ги обезбедува јавните објекти и да ги приведува соработниците на окупаторот. На 13 ноември 1944 година штабот на бригадата влегол во ослободено Скопје, и во текот на декември 1944 година, по реорганизацијата, била оформена Осмата дивизија на Народната одбрана.
Наводи
Поврзано НОВ
Категорија:Бригади на НОВМ