Малополско Војводство

Малополско Војводство () — војводство во јужна Полска. Зафаќа површина од и има население од 3.406.000 жители (2014).

Создадено е на 1 јануари 1999 г. од дотогашните војводства Краковско, Тарнувско, Новосонченско и делови од Бјелското, Катовичкото, Келечкото и Кросненското, согласно управната реформа усвоена претходната година. Наречено е по историската област Малополска, иако зафаќа само мал дел од неа. Историската област е значително поголема и се протега многу посеверно, сè до Радом и Шедлце, и опфаќа градови како Сталова Вола, Лублин, Келце, Ченстохова и Сосновјец.

Го опфаќа просторот меѓу Светокришките Планини на север, Краковско-ченстоховската Јура на запад и Татрите, Пјенините и Бескидите на југ. Во управен поглед се граничи со Шлескотото Војводство на запад, Светокришкото Војводство на север, Поткарпатското Војводство на исток и Словачка на југ.

Речиси сета Малополска му припаѓа сливот на реката Висла. Во 2000 г. Краков бил европска престолнина на културата. Градот има патни и железнички врски со Катовице (брз автопат), Варшава, Вроцлав и Жешув. Сместен е на важно минувалиште кое ги вкрстува патиштата од Дрезден за Киев и од Гдањск за Будимпешта. Тука е и вториот по големина аеродром во Полска — „Јован Павле II“.

Стопанство Стопанството на Малополското Војводство е повеќеделно, и ги опфаќа високата технологија, банкарството, хемиската и металуршката индустрија, рударството, производство на храна и пијалаци и тутунската индустрија. Најундустријализран град е Краков, каде, во Нова Хута, работи големата челичарница „Тадеуш Сенѓимир“ со дури 17.500 вработени. Во западниот дел се наоѓа другиот важен индустриски центар, сместен во околината на Хшанув (производство на локомотиви) и Ошвјенќим (хемиска индустрија). Краковскиот технолошки парк е специјална економска зона. Во војводството се регистрирани речиси 210.000 претпријатија (претежно мали и средни), од кои 234 се државни. До крајот на 2016 г. Малополското Војводство достигнало 18,3 милијарди долари во странски вложувања.

Управна поделба Малополското Војводство е поделено на 22 окрузи, од кои 3 се градски, а 19 се земски. Тие пак се поделени на вкупно 182 општини.

Име и изворно имеПовршина (км²)Население (2006)СедиштеДруги градовиОпштиниГрадски окрузиКраковKraków327756.7571Нови СончNowy Sącz5784.5941 ТарнувTarnów72117.1091Земски окрузиБжешкиpowiat brzeski 59090.214БжескоЧхув7Бохењскиpowiat bocheński 649100.382БохњаНови Вишњич9Вадовичкиpowiat wadowicki 646154.304ВадовицеАндрихув, Калварија Зебжидовска10Вјеличкиpowiat wielicki 428105.266ВјеличкаЊеполомице5Горличкиpowiat gorlicki 967106.540ГорлицеБјеч, Бобова10Домбровскиpowiat dąbrowski 53058.572Домброва ТарновскаШчуќин7Краковскиpowiat krakowski 1.230244.970Краков *Скавина, Кшешовице, Сломњики, Скала, Швојнтњики Гурне17Лимановскиpowiat limanowski 952121.658ЛимановаМшана Долна12Мишлењичкиpowiat myślenicki 673116.793МишлењицеСулковице, Добчице9Мјехувскиpowiat miechowski 67750.769Мјехув7Новосонченскиpowiat nowosądecki 1.550197.718Нови Сонч *Крињица-Здруј, Стари Сонч, Грибув, Пивњична-Здруј, Мушина16Новотарскиpowiat nowotarski 1.475181.878Нови ТаргРабка-Здрух, Шчавњица14Олкушкиpowiat olkuski 622114.286ОлкушБуковно, Волбром6Ошвјенќимскиpowiat oświęcimski 406153.390ОшвјенќимКенти, Бжешче, Хелмнек, Затор9Прошовичкиpowiat proszowicki 41543.441ПрошовицеНове Бжеско6Сушкиpowiat suski 68682.045Суха БескиѕкаМакув Подхалањски, Јорданув9Тарнувскиpowiat tarnowski 1.413193.549Тарнув *Тухув, Жабно, Војнич, Радлув, Риглице, Ќенжковице, Закличин16Татранскиpowiat tatrzański 47265.393Закопане5Хшанувскиpowiat chrzanowski 371128.103ХшанувТшебиња, Либјонж, Алверња5* седиштето не е дел од округот

Најчести презимиња Новак: 23.671 Војќик: 13.347 Зајонц: 10.206

Поврзано Малополска

Наводи

Надворешни врски

Малополско Војводство — официјално мрежно место Посетете ја Малополска — туристички портал Малополска агенција за регионален развој

Категорија:Војводства во Полска Категорија:Држави и територии настанати во 1999 година

Малополско Војводство

Źródło i licencja