Едо Муртиќ (), (, - , ) — хрватски сликар, сценограф, академик.
Животопис
Роден бил во Велика Писаница покрај Бјеловар. Неговото семејство во 1925 година се преселило во Загреб, каде што завршил основно и средно образование. Студирал на Академијата за ликовни уметности во Загреб, а професори му биле Крсто Хегедушиќ и Љубо Бабиќ.Murtić Edo. Во 1940 година се префрлил на белградската ликовна академија кај професорот Петар Добровиќ, истакнат предвоен сликар во тогашна Југославија. Со избувнувањето на Втората светска војната, повторно се вратил во Загреб во 1941 година и продолжил на Загрепската ликовна академија, а во 1943 година, заминал во партизани. По војната, кратко време, работел на местото началник за пропаганда на хрватската влада, потоа избира да дејствува како слободен уметник.
Покрај со сликарство, создавал и театарска сценографија, мурали на јавни простори, мозаици, графики и друго.
Еден од особено важните моменти за неговото творештво, бил запознавањето со познатиот уметник Џексон Полок и неговото акционо експресионистичко сликарство, кое оставило силен впечаток и влијание врз натамошните негови дела.
Бил редовен член на Хрватска академија на науките и уметностите од 1997 година.
Творештво Првата самостојна изложба ја одржал во 1935 година во Загреб. Неговата излагачка дејност се состои од над 150 самостојни изложби и над 300 групни изложби. Создал голем ликовен опус, а бројни негови дела се наоѓаат и во збирките на галеријата Тејт, (Tate Gallery) - Лондон, галеријата Пеги Гугенхајм, (Peggy Guggenheim) - Њујорк и многу други.
Бил наречен хрватски Пикасо. Живеел во САД, Канада, ХрватскаEdo Murtic Auction Price Results/. Излагал и во други поважни ликовни центри во светот [ http://418gallery.com/artists 418 Gallery/].
Самостојни изложби 1966 Уметничка галерија, Сплит 1988 Уметнички павилјон, Загреб 2003 Ретроспектива, Модерна галерија, Загреб 2004 Уметничко-историски музеј Виена, Kunsthistorisches Museum Wien 2005 Уметнички павилјон, Загреб 2010 Донација, Музеј за современата уметност, Загреб
Избор од најпознатите дела графичката мапа - Јама (поема), заедно со Златко Прица, 1944 циклус - Доживувањата од Америка, 1951 - 1953 Мозаик на гробот на семејството Пиркер, Мирогој, Загреб, 1973 Мозаик на гробот на семејството Шефер, Мирогој, Загреб Есен, 1962 Сина подлога, 1964 Црн триаголник, 1968 Таписерија за концертната сала „Ватрослав Лисински“ во Загреб, 1970 Композиција, 1972 Мозаик за деловната зграда „Загрепчанка“, 1975 Пред куќата, 1981 Пејзаж со облаци, 1991 Морски предел, 1991
Библиографија За него се публикувани каталози и монографски изданија, меѓудругото и во : Музејот за модерната уметност во Њујорк - Modern Art Museum, New York, Националната галерија во Берлин - National Gallery, Berlin, Музејот за современата уметност во Лос Анџелес - Modern Art Museum, Los Angeles[ http://www.torbandena.com/en/index.php?sez=artists&page=murtic/ ], како и делата:
Владимир Малековиќ: Муртиќ Живот и дело, Centro Iniziative Pordenone, 1978 Чедо Прица: Пловидбите во ателјето на Едо Муртиќ, Напријед, Загреб, 1997 ISBN 978-953-178-075-9 Михаил Гибсон: Едо Муртиќ, Национална и универзитетска библиотека Загреб, 1989 Игор Зидиќ: Едо Муртиќ, Модерна библиотека Загреб, 2002
Награди Добитник е на бројни меѓународни и домашни награди. За својот опус, Едо Муртиќ, ја добил Годишната награда1981 а во 2000 и наградата за животно дело „Владимир Назор“. Наводи
Надворешни врски
Edo Murtić-službene stranice Murtić Edo, na portalu Galerija Mona Lisa (slike)
Категорија:Хрватски уметници Категорија:Членови на Хрватската академија на науките и уметностите Категорија:Погребани на гробиштата „Мирогој“ Категорија:Апсолвенти на Загрепскиот универзитет Категорија:Апстрактни сликари