Мелек Ахмед-паша („Ахмед-паша ангелот“; 1604–1662) — отомански државник и голем везир за време на владеењето на Мехмед IV.

Почетоци По потекло бил Абхаз (или Абазин). Според еден извор, неговиот татко бил морски капетан по име Перван.Ayhan Buz: Osmanlı Sadrazamları, Neden Kitap, İstanbul, 2009, ISBN 978-975-254-278-5 p.107 За време на владеењето на Мурат IV, тој бил назначен за управител на Дијарбекир. За време на владеењето на Ибрахим I, тој бил назначен за управител на Ерзурум, Мосул, Алеп и Дамаск. Во 1644 година, тој се оженил за Каја, ќерката на Мурат и ја добил титулата дамат (зет). Но сите покраини во кои бил назначуван (дури и Ерзурум во Турција)биле далеку од главниот град Истанбул, и од оваа причина,неговата сопруга останувала сама во Истанбул. За време на владеењето на Мехмед IV, конечно се вратил во Истанбул како везир. Но во 1650 година, за несреќа на неговата сопруга, бил назначен за управител на Багдад, повторно далеку од Инстанбул. Каја се обидела да ја разубеди кралицата владетел да ја повлече одлуката, но не успеала, што укажува за постоењето на хаос во отоманската палата.An essay on Ahmet Pasha Сепак, пред Мелек Ахмед да го напушти Истанбул, големиот везир Кара Мурат-паша се повлекол, жалејќи се на игрите на луѓето од палатата. Кралицата владетел му ја понидила работата на Мелек Ахмед, која ја прифатил под услов луѓето во палатата да не се мешаат во управувањето на државата и станува голем везир на 5 август 1650 година.Joseph von Hammer:Osmanlı Tarihi Vol II (condensation: Abdülkadir Karahan), Milliyet yayınları, İstanbul. p 100

Тој бил зет на Хајдарзаде Мехмед-паша , отомански управител на Египет од 1646 до 1647 година, кој се оженил со неговата сестра.

Голем везир Кога Мелек Ахмед станал голем везир, сфатил дека царството скоро да банкротирало. Критската војна била скапа војна, и собирањето на данокот од Анадолија не било во очекуваниот обем поради Џелали. Се обидел да го урамнотежи буџетот, но без особени познавања на финасии, неговите економски мерки дополнително ја влошиле економската состојба. Меѓу неговите мерки било и обезвреднувањето на кованите монети намалувајќи ја содржината на златото. Ова предизвикало побуна меѓу трговците и војниците, чии плати биле исплаќани со новите монети.Prof.Yaşar Yücel-Prof Ali Sevim:Türkiye tarihi III, AKDTYKTTK Yayınları, 1991, pp 104-106 султанот бил приморан да го разреши на 22 август 1651 година.

Подоцнежни години По 1651 година, тој повторно станал управител, но овој пат во Силистра (денес во Бугарија), многу поблиску до главниот град. Наскоро, тој бил во можност да се врати во Истанбул. Во 1654 година, Ибшир Мустафа-паша бил назначен за голем везир, но морал да го одложи враќањето во Истанбул. За време на овој период, Мелек Ахмед бил негов заменик. Ова предизвикало сомнежи кај Ибшир-паша, и Мелек Ахмед бил протеран во Ван и Малкара. Сепак, откако Ибшир-паша бил разрешен, Мелек Ахмед повторно се здобил со старите титули. По работата како управител во неколку покраини во европскиот дел на царството, тој се оженил по втор пат во 1662 година со Фатма (ќерката на покојниот султан Ахмед I). Според Евлија Челебија, бракот бил несреќен и присилени биле и двете страни, Фатма му се заканила на Мелек Ахмед со развод и повлекување на чеизот (кој според некои тврдења имал вредност од околу шест годишни даночни приноси на Египет).

Мелек Ахмед-паша починал во 1662 година, само неколку месеци по женидбата со Фатма.

Последици Во Отоманското Царство, ковањето на обезвреднети монети продолжило по 1651 година и била една од главните причини за избивањето на голмата побуна во 1656 година, позната како Чинарска побуна.

Евлија Челебија и Мелек Ахмед-паша Иако не бил особено успешен голем везир, деталите за Мелек Ахмед-паша и неговата сопруга Каја (како и неговиот подоцнежен брак со Фатма) се добро познати поради записите на Евлија Челебија. Евлија Челебија бил еден од најпознатите турски патописци од тој период, и неговата мајка била побратим на Мелек Ахмед-паша, и Евлија Челебија ја искористил оваа можност да патува со Мелек Ахмед-паша.On line history

Список Список на отомански големи везири

Наводи

Категорија:Големи везири на Отоманското Царство од 17 век Категорија:Абазини Категорија:Починати во 1662 година Категорија:Луѓе од Галата Категорија:Паши Категорија:Луѓе во Отоманското Царство со апхаско потекло Категорија:Родени во 1604 година Категорија:Отомански управители на Алеп Категорија:Германска Шлеска Категорија:Несигурна година на раѓање