Виетнамците во Чешка се трето по големина етничко малцинство во целина (по Словаците и Украинците), со повеќе од 83.000 луѓе според пописот на населението од 2011 година.
Според пописот од 2001 година, во Чешка имало 17.462 етнички Виетнамци. Од тогаш, виетнамското население расте многу брзо, при што Чешкиот завод за статистика проценува дека во октомври 2009 година во Чешка живееле 61.012 Виетнамци. Нгуен, најчестото виетнамско презиме, сега е 9-то најчесто презиме во целата земја.
Историја Виетнамските имигранти почнале да се населуваат во Чехословачка за време на комунизмот, кога биле поканети како гастарбајтери од тогашната влада. Миграцијата била охрабрена од виетнамските власти, со намера тие да се вратат со збогатени со вештини и обучени.
По распадот на комунизмот во Чехословачка, многу Виетнамци решиле да останат во земјата. Првата генерација на имигранти традиционално заработувала за живот преку продавање на уличните пазари и тезги. Во последните години, значителен број од нив се придвижиле кон создавање на сопствени бизниси и пошироко интегрирање во општеството, слично како и другите Виетнамци кои живеат во прекуокеанските западни земји. Сепак, малиот бизнис сектор останува клучен економски домен на првата генерација Виетнамци во Чешка.
Имиграцијата на Виетнамците продолжила и во текот на 90-тите и 2000-тите години.
Географија
Најголемата група на Виетнамци (повеќе од 10.000 луѓе во 2011 година) живее во Прага, а 2% од населението во регионот Карлови Вари има виетнамско државјанство, со пограничниот град Хеб кој се смета за еден од главните центри на виетнамскиот народ. Исто така, најсеверниот дел на Бохемија, околу градот Варнсдорф, има значителен број на виетнамско население.
Наводи
Категорија:Народи во Чешка Категорија:Чешка