thumb|200px|Фотогарафија на Леополд Стоковски Леополд Антони Стоковски, (, - , ) — британски диригент од полско потекло, пропагатор на современата музика, еден од најпознатите диригенти во светот.
Животопис Стоковски е роден во Лондон, а музика студирал на Оксфорд и Кралскиот музички колеџ во Лондон. Најпрво свирел на оргули во Црквата на свети Бартоломеј во Њујорк, а како диригент првпат настапил во Париз, во 1908 година. На тој настап оставил многу добар впечаток кај критичарите и јавноста, по што брзо стигнал до местото диригент на симфонискиот оркестар во Синсинати. Во 1912 година добил понуда да го преземе Филаделфискиот симфониски оркестар. Овој оркестар го водел во наредните 25 години. Под негово раководство Филаделфискиот симфониски оркестар станал најдобар оркестар во Америка и еден од најпознатите во светот.
Последен пат јавно настапил во Венеција, во 1975 година, а потоа продолжил да снима во студио сè до 1977 година. Работел оркестарски транскрипции на композиции за оргули од Јохан Себастијан Бах. Починал во Хемпшир, Англија, на 13 септември 1977 година.Allen Hughes, "Leopold Stokowski Is Dead of a Heart Attack at 95", The New York Times, 14 September 1977.
Стил
Стоковски од оркестарот извлекол еден сосема нов звук, познат како „Стоковски звук“, кој се состои од силен и богат звук на жичените инструменти, и со своите театрални и неверојатно точно пресметани движења на рацете го претворал во продорен звук на лимените инструменти, истовремено оставајќи впечаток на неверојатна хармонија и прецизност. По 1929 година диригирал без палка, па таквиот начин на диригирање со широки движења станал синоним за Стоковски. При настапите сакал да ја истакне својата фигура, па барал подигнат подијум за диригентот и експериментирал со осветлувањето, за да ја изрази својата сенка на ѕидовите, со што оставал подлабок впечаток.
Леополд Стоковски бил прв диригент кој почнал да ги освојува медиумите. Со него професијата диригент станала популарна, што подоцна ќе ја нагласи и Херберт фон Карајан. Стоковски се појавил во неколку филмови, како и во анимираниот филм на Волт Дизни, „Фантазија“.
Наводи
Надворешни врски
Leopold Stokowski papers, 1916-1994, Kislak Center for Special Collections, Rare Books and Manuscripts, University of Pennsylvania Leopold Stokowski Papers - Special Collections in Performing Arts at the University of Maryland
Leopold Stokowski Discography Leopold Stokowski CD Discography František Sláma (musician) Archive . More on the history of the Czech Philharmonic between the 1940s and the 1980s: Conductors Stokowski/Philadelphia Orchestra Discography and selected (RCA) Victor recordings, 1917-1940
Категорија:Американски диригенти Категорија:Апсолвенти на Оксфордскиот универзитет