Василие Поповиќ - Цицо (Скадар, – , ) — сликар, карикатурист и сценограф, еден од основоположниците на сценографијата во Македонскиот народен театар.
Василие Поповиќ - Цицо е дизајнер на грбот на НР Македонија, врз кој во голема мера се темели и денешниот грб.
Животопис Василие Поповиќ е роден во Скадар, Албанија, а на своја петгодишна возраст се преселува во Скопје, каде што живее сè до крајот на својот живот.
Своите сликарски вештини по гимназијата ги усовршува кај тогаш веќе етаблираниот уметник Никола Мартиновски, кому му помагал при изработката на неколку ѕидни слики, меѓу кои и слика за куќата на скопскиот трговец Михајло Шкаперда во 1933 година.
Во периодот на почетокот на Втората светска војна и борбата против фашистичка Германија, од април 1941 година, Цицо е во повеќемесечно заробеништво во три концентрациони логори (Либек, Хоенфалс и Нирнберг). Во 1944 година, Цицо е интерниран, овојпат во бугарски логор во Горна Џумаја (денешен Благоевград), но по интервенција на пријатели од Македонија и од Бугарија, тој е ослободен и набргу потоа отишол во партизани. Таму тој се ангажира во Агитпропот на Главниот штаб на НОВ, сместен во селото Горно Врановци. Во овој период изработува цртежи и портрети на личности од неговото опкружување, како и карикатури за првото издание на весникот „Нова Македонија“ и за весникот „Македонка“ на антифашистичкиот фронт на жените од Македонија.
Наводи
Надворешни врски Карикатури од Василие Поповиќ - Цицо на „Окно“
Категорија:Македонски сликари Категорија:Македонски дизајнери Категорија:Македонски карикатуристи Категорија:Македонски сценографи Категорија:Членови на ДЛУМ Категорија:Родени во 1914 година Категорија:Починати во 1962 година Категорија:Македонски Срби Категорија:Луѓе од Скадар