Sølvasal

For andre artar som også er blitt kalla sølvasal, sjå bergasal og norsk asal

Sølvasal eller kvitasal (Sorbus aria) er eit tre i asalslekta i rosefamilien. Det kan bli 5 til 15 meter høgt. Blada er eggforma med sølvkvit underside.

Sølvasal stammar frå Mellom- og Sør-Europa. Planten er blitt brukt som prydtre sidan 1700-talet, og finst forvilla i Noreg, i det minste nord til Trøndelag. Det er også mogleg at arten er komen til landet naturleg. Arten er rekna som nær truga i Noreg.

Treet utgjer saman med to nærskilde artar, bergasal og norsk asal, sølvasal-gruppa. Det finst fleire kultivarar av sølvasal, i tillegg til fleire hybridar danna med andre tre i asalslekta.

Galleri

Kjelder

Sølvasal (15. februar 2009), Store norske leksikon. Henta 3. februar 2014. Sølvasal , skogoglandskap.no Sølvasal-gruppa , skogoglandskap.no Sølvasal, artsportalen.artsdatabanken.no

Bakgrunnsstoff

Sølvasal , skogoglandskap.no

Kategori:Asalslekta Kategori:Rosefamilien Kategori:Lauvtre