Atrå kyrkje er ei langkyrkje i Tinn kommune i Telemark.
Det har vore kyrkje på staden sidan mellomalderen, og kyrkja var hovudkyrkje i Tinn prestegjeld. Dagens kyrkje avløyste ei stavkyrkje frå 1100-talet som det finst portalvange frå i Oldsaksamlinga i Oslo.
Kyrkja vart oppført etter typeteikningar av H.D.F. Linstow ved byggmeistrane Christen Aslachsen Rustan (eller Rugstad) og Christen Andersen Stensaas frå Skien i 1833–34 og innvigd den 4. september 1836. Interiør og inventar vart endra i 1908 etter planar av Haldor Larsen Børve. Sakristiet er frå 1922–24, og kyrkja vart pussa opp også i 1951–52. Då vart preikestolen rosemåla.
Kjelder
Bakgrunnsstoff
Kategori:Kyrkjer i Øvre Telemark prosti Kategori:Kyrkjer i Tinn Kategori:Norske kyrkjer frå 1836 Kategori:Langkyrkjer i Agder og Telemark bispedømme Kategori:Kulturminne i Tinn Kategori:Bygningar teikna av Hans Linstow Kategori:Rosemåla kyrkjer