André Horst Schürrle () er ein tysk tidlegare fotballspelar som i tida 2009-20 var aktiv i sju ulike klubbar i Tyskland, England og Russland. Han spelte i all hovudsak venstrekant. Han vart i 2014 verdsmeister med Tyskland sitt landslag.
Klubbspel Schürrle var 2009-11 aktiv for Mainz 05. Sommaren 2011 vart han overført til Bayer Leverkusen. To år seinare fekk han kontrakt med Chelsea FC i engelske Premier League. Etter halvanna sesong med London-klubben, signerte han for VfL Wolfsburg i januar 2015, der han var med å vinne DFB-pokalen. Sommaren 2016 vart han overført til Borussia Dortmund. Framom 2018/19-sesongen gjekk turen til engelske Fulham FC, sommaren 2019 reiste han vidare til Spartak Moskva i Russland. I juli 2020 la han opp.
Landslagsspel Schürrle debuterte for Tyskland borte mot Sverige i november 2010. Han deltok i Fotball-EM 2012, Fotball-VM 2014 og Fotball-EM 2016. Under verdsmeisterskapen 2014 i Brasil var han innbytar i 6 av kampane, skåra 3 mål. I VM-finalen mot Argentina passa han til Mario Götze, som så skåra sigersmålet i kampen. Schürrle skåra to av måla då han fekk sin 57. og siste landskamp i Baku den 26. mars 2017. I alt stod han for 22 nettkjenningar med det tyske landslaget.
Merittar Verdsmeister: 2014 for Tyskland EM-bronse: 2012 for Tyskland Vinnar av DFB-pokalen: 2015 for Vfl Wolfsburg
Kjelder
Denne artikkelen bygger på «André Schürrle» frå , den 18. juli 2026.
eu-football
Kategori:Tyske fotballspelarar Kategori:Mainz-spelarar Kategori:Bayer Leverkusen-spelarar Kategori:Chelsea-spelarar Kategori:Spelarar i Fotball-EM 2012 Kategori:Spelarar i Fotball-VM 2014 Kategori:Spelarar i Fotball-EM 2016