«Jeg har aldri vært så glad i noen som deg» er ein song av Kirsti Sparboe og Odd Børre, gjeven ut i 1968. Han vart skriven av Kari Neegaard.
Eurovision Melodi Grand Prix 1968 «Jeg har aldri vært så glad i noen som deg» deltok i Melodi Grand Prix 1968, den norske uttakinga til Eurovision Song Contest 1968 i London i Storbritannia. Songen vart framført på norsk av Kirsti Sparboe med eit lite orkester, og så på nytt av Odd Børre med eit stort orkester. Bidraget vann med 20 poeng; fire frå Ålesund, tre frå Stavanger, to frå Tromsø, Bodø, Trondheim, Bergen, Kristiansand og Oslo og eitt frå Vadsø. Songen vart seinare anklaga for å vere plagiat av Cliff Richard-hiten «Summer Holiday», og Neegaard trekte attende songen før Eurovision Song Contest. Bidraget vart erstatta av andreplassen, «Stress», og dette er den fyrste og førebels einaste gongen vinnarsongen i Melodi Grand Prix ikkje har representert Noreg i Eurovision Song Contest.
Fotnotar
Kategori:Singlar frå 1968 Kategori:Melodi Grand Prix 1968-songar Kategori:Norskspråklege Melodi Grand Prix-songar Kategori:Ikkje-deltakande Eurovision Song Contest-songar Kategori:Norske Eurovision Song Contest-songar Kategori:Kirsti Sparboe-songar Kategori:Odd Børre-songar Kategori:Songar skrivne av Kari Diesen d.y. Kategori:Melodi Grand Prix-vinnarsongar