Stress av Kirsti Sparboe og Odd Børre

«Stress» er ein song av Kirsti Sparboe og Odd Børre, gjeven ut i 1968. Songen er skriven av Tor Hultin og Ola B. Johannessen.

Eurovision Melodi Grand Prix 1968 «Stress» deltok i Melodi Grand Prix 1968, den norske uttakinga til Eurovision Song Contest 1968 i London i Storbritannia. Songen vart framført på norsk av Kirsti Sparboe med eit lite orkester, og så på nytt av Odd Børre med eit stort orkester. Bidraget enda på andreplass med 14 poeng; eitt frå Ålesund og eitt frå Stavanger. Vinnarsongen vart seinare anklaga for å vere plagiat av Cliff Richard-hiten «Summer Holiday», og låtskrivaren Kari Neegaard trekte attende songen før Eurovision Song Contest. Bidraget vart erstatta av «Stress», og dette er den fyrste og førebels einaste gongen vinnarsongen i Melodi Grand Prix ikkje har representert Noreg i Eurovision Song Contest.

Eurovision Song Contest 1968

Etter at vinnarsongen i Melodi Grand Prix 1968 vart trekt attende fekk «Stress» representere Noreg i Eurovision Song Contest 1968. Odd Børre framførte songen på norsk, og enda på 13. plass med to poeng; eitt frå Luxembourg og eitt frå Spania. Øivind Bergh var dirigent.

Fotnotar

Kategori:Melodi Grand Prix 1968-songar Kategori:Norskspråklege Melodi Grand Prix-songar Kategori:Norske Eurovision Song Contest-songar Kategori:Eurovision Song Contest 1968-songar Kategori:Norskspråklege Eurovision Song Contest-songar Kategori:Kirsti Sparboe-songar Kategori:Odd Børre-songar Kategori:Songar skrivne av Tor Hultin Kategori:Songar skrivne av Ola B. Johannessen