Shaqqa eller Shakka (arabisk شقا) er ein by sør i Syria i As Suwayda guvernement , med kring 8 000 innbyggjarar. Innbyggjarane er hovudsakleg drusarar, etterkomarane etter dei som flytta hit frå Libanon på 1700- og 1800-talet.
I antikken vart han kalla Saccaea (òg skrive Sakkaia). I 287 evt. fekk han bystatus og namnet Maximianopolis.UNESCO, Les Villages antiques du nord de la Syrie, s. 115-116Kevin Butcher, Roman Syria and the Near Aust (Getty Publications 2003 ISBN 978-0-89236715-3), s. 157Diana Darke, Syria (Bradt Travel Guides 2010 ISBN 978-1-84162314-6), s. 254 Sidan han låg i den romerske provinsen Arabia, er han skild frå andre byar med namnet Maximianopolis i Arabia.
Plassering og arkitektur
Shaqqa ligg nord i utkanten av vulkanplatået Jabal el Druze i ei høgd på 1070 meter over havet, 7 km aust for Shahba og kring 25 km nord for As-Suwayda, hovudstaden i guvernementet.
Frå antikken finst det restar etter fleire bustadhus som er rikt utsmykka. I tillegg finst her: Den enorme Al-Qaysariye, generelt tolka som bustadhuset til dei romerske guvernørane, men truleg eit mindre forum knytt saman med ein stor basilika, som vart bygd på 200-talet. Han har fleire rom og hallar med blomsterdekorasjonar. Ein romersk sivil basilika, seinare omgjort til ei kyrkje tileigna St. Georg. Det er trudd at denne kyrkja er den eldste som er tileigna martyren St. Georg på grunnlag av ein gresk inskripsjon som kallar bygningen til den «heilage og triumferande» martyren Georg. Ein kalybe, eit gammalt tempel typisk for romartida i det sørlege Syria.
Maximianopolis i Arabia hadde utan tvil ein romersk garnison, og var ein colonia,Monuments of Syria: Shaqqa den høgaste rangeringa ein by kunne ha i riket. Han nytta ein kalender som talde åra frå då Maximian vart keisar (286 evt.).Johannes Koder / Marcel Restle: «Die Ära von Sakkaia (Maximianopulis) in Arabia», in: Jahrbuch der österreichischen Byzantinistik 42 (1992), s. 79-82 Ein inskripsjon nemner eit tempel for Zevs Megistos,Frank R. Trombley: Hellenic Religion & Christianization, ca. 370-529, E. J. Brill, Leiden 1993 (= Religions in the Graeco-Roman world, 115), vol. II, s. 344 og ein annan som ber eit epigram om filosofen Proclus.
Bispesete
På 400-talet var Maximianopolis eit bispesete, og biskopen Severus var ein av dei som signerte ved kyrkjemøtet i Kalkedon i 451.Eduard Schwarz (editor), Acta Conciliorum Oecumeniorum, Tom. II, vol. iii, pars 3, Walter de Gruyter, Berlin/Leipzig 1937, s. 544, No. 89Mansi, «Coll. Conc.», VII, 168. Ein inskripsjon frå 594 talar om ein lokal biskop, kalla Tiberinus, som vart reiste ein martyrium for St. Georg og andre martyrar.Trombley, Hellenic Religion (1993), s. 345 Ein annan inskripsjon nemner ein biskop Peter.Siméon Vailhé, «Maximopolis» i Catholic Encyclopedia (New York 1911)
Bispesetet Maximianopolis i Arabia er oppført på lista over bispesete i den katolske kyrkja.Annuario Pontificio 2013 (Libreria Editrice Vaticana, 2013, ISBN 978-88-209-9070-1), s. 925 På 1800-talet vart han feilaktig kalla «Maximopolis», fram til det vart retta i 1885. Somme kjelder frå den same perioden foreslo at Maximianopolis i Arabia var byen Sheikh Miskin.
Kjelder Denne artikkelen bygger på «Shaqqa» frå , den 4. juli 2014. oppgav desse kjeldene:
Kategori:Romerske byar i Syria Kategori:Busetnader i Shahba-distriktet Kategori:Romerske stader i Syria Kategori:Arkeologiske stader i al-Suwayda guvernement Kategori:Byar i Syria Kategori:Katolske bispesete i Asia